દિલ્હીમાં 3 ફેક્ટરીઓમાં ભિષણ આગ, 9 લોકો બળીને ભડથું

0
143
Advertisement
Loading...

રાજધાની દિલ્હીના બવાના ઈંડસ્ટ્રિયલ એરિયામાં 3 ફેક્ટરીઓમાં ભીષણ આગ લાગી હતી. આગમાં 9 લોકોના મૃત્યું થયાના અહેવાલ છે. જ્યારે અનેક લોકો ઘાયલ થયાં છે.

સૂત્રોના જણાવ્યા પ્રમાણે ફટાકડા, પ્લાસ્ટિક અને કાર્પેટની ફેક્ટરીઓમાં આગ લાગી હતી. એક ફેક્ટરીમાં લાગેલી આગમાં 9 લોકો બળીને ભડથું થઈ ગયાં હતાં. જ્યારે અન્ય બે ફેક્ટરીઓમાં લાગેલી આગમાં કોઈ પણ જાનહાની થયાના અહેવાલ નથી.

ફાયર સેફ્ટી વિભાગના અધિકારીઓના જણાવ્યા પ્રમાણે રાજધાની બવાના ઈન્સ્ટ્રિયલ એરિયામાં એક પછી એક એમ ત્રણ ફેક્ટરીઓમાં આગ ફાટી નિકળી હતી. આગ ઓલવવા માટે એક ડઝનથી પણ વધારે ફાયર એન્જીનને કામે લગાડવામાં આવ્યાં હતાં. ભારે જહેમત બાદ આગ પર કાબુ મેળવવામાં આવ્યો હતો. નવ વાગ્યાની આસપાસ ફાયર બ્રિગેડ વિભાગે આગ પર નિયંત્રણ મેળવી લીધાની જાહેરાત કરી હતી.                                                                                                            સૂત્રોના જણાવ્યા પ્રમાણે સેક્ટર 5માં સાંજે 6 : 20 વાગ્યે આગ લાગી હતી. ફટાકડાની ફેક્ટરીના ભોંયતળિયે અને પહેલા માળે આગ લાગી હતી. ત્યાર બાદ આગ અન્ય બે ફેક્ટરીઓમાં પણ પ્રસરી હતી. ભિષણ આગમાં સંપત્તિને મોટા પ્રમાણમાં નુંકશાન થયું છે. જ્યાં આગ લાગી છે તે બવાના ઈન્ડસ્ટ્રિયલ એરિયા કનૉટ પ્લેસથી માત્ર 35 કિલોમીટર દૂર આવેલો છે.

Advertisement
Loading...

LEAVE A REPLY

Please enter your comment!
Please enter your name here