ગુજરાત : ધારાસભ્યો-મંત્રીઓના પગારમાં ૪૫ હજારનો વધારો કરતું બિલ પસાર

0
60
Advertisement
Loading...

વિધાનસભાગૃહમાં આજે સાંજે અચાનક તાત્કાલિક અસરથી ધારાસભ્ય, પ્રધાન, પદાધિકારીઓના પગાર વધારા અને ભથ્થાંમાં સુધારો કરતું બિલ ગૃહ રાજ્યપ્રધાન પ્રદીપસિંહ જાડેજાએ રજૂ કરતાં વિરોધ પક્ષ સહિતના તમામ ધારાસભ્ય ગેલમાં આવી ગયા હતા.

મોંઘવારી, ખેડૂતોનાં દેવાં માફી, પેટ્રોલ-ડીઝલના ભાવ વધારાના મુદ્દે વિરોધ પ્રગટ કરતા વિરોધ પક્ષના સભ્યોએ પોતાના લાભની વાત આવી એટલે સરકારે રજૂ કરેલા આજના વિધેયકને હોંશે હોંશે વિના વિરોધે સ્વીકારી લીધું હતું.વર્ષ ૨૦૦૫માં છેલ્લે થયેલા સુધારા બાદ આ જ ધારાસભ્યોના પગારમાં રૃ. ૪૫,૦૦૦નો વધારો મંજૂર કરાતું બિલ સભાગૃહમાં વિના વિરોધે પસાર કરાયું હતું. પગાર વધારાના મુદ્દે બંને પક્ષના સભ્યો એક થઈ ગયા હતા. દલા તરવાડીની જેમ આજે વિધાનસભાની સવારની બેઠકમાં પ્રશ્નોત્તરી બાદ આ વિધેયક વિશે કાર્યવાહીમાં કોઈ જાણ કરાઈ નહોતી.

ધારાસભ્યને ૭૦,૭૦૦ રૃપિયા મળે છે, જે ૨૦૦૫થી ચાલુ છે. ત્યાર પછી કોઈ વધારો થયો નથી. ધારાસભ્યોનું ભથ્થું જીવનનિર્વાહ માટે નથી પણ સેવા કાર્ય માટે છે. ધારાસભ્ય પ્રજાલક્ષી કામો માટે ફરશે તો ફાયદો પ્રજાને થશે. પ્રતિમાસ ધારાસભ્યને જે રૃ. ૭૦૭૨૭ ભથ્થાં સાથે મળે છે તે વધીને હવે રૃ, ૧,૧૬,૩૧૬ મળશે.ધારાસભ્યોના પગારથી ૨૫ ટકા વધારે પગાર પ્રધાનોને મળે છે તે રકમ રૃ. ૮૬,૮૦૪ છે તે વધીને હવે પ્રધાનોને રૃ. ૧,૩૨,૦૦૦ ભથ્થાં સાથે મળશે. વિરોધપક્ષના નેતાને રૃ. ૧૦૦૦ની મળતી ટપાલ ખર્ચની રકમ રૃ. ૧૦,૦૦૦ કરવાની જાહેર કરાઈ છે. દૈનિક ભથ્થું રૃ. ૨૦૦ને બદલે હવે ધારાસભ્યને રૃ. ૧૦૦૦ મળશે. આ અસર ડિસેમ્બર-૨૦૧૭ની અસરથી ચુકવાશે રૃ. ૬ કરોડનું એરિયર્સ ચુકવાશે. પગારવધારાથી રાજ્ય સરકાર પર વર્ષે ૧૬.૫૨ કરોડનો બોજો પડશે.

Advertisement
Loading...

LEAVE A REPLY

Please enter your comment!
Please enter your name here