કેજરીવાલનુ અપહરણ કરી ભટકલને છોડાવવાનો પ્લાન

ArvindKejriwal

અરવિંદ કેજરીવાલ સુરક્ષા વ્યવસ્થા લઈ રહ્યા નથી.આ સંજોગોમાં પોલીસનુ ટેન્શન વધી ગયુ છે.આઈબીએ જારી કરેલા એલર્ટ પ્રમાણે ઈન્ડિયન મુજાહીદ્દીનના ટોચના આતંકવાદી યાસીન ભટકલને છોડાવવા માટે આંતકવાદીઓ કેજરીવાલનુ અપહરણ કરી શકે છે.તેના બદલામાં તેઓ ભટકલને છોડવાની શરત સરકાર સમક્ષ મુકી શકે છે.

 

વર્લ્ડ રેકોર્ડ: ૪૫ વર્ષનાં દર્દીની કિડનીમાંથી ૭૦૦ ગ્રામનો સ્ટોન નીકળ્યો

Stonદિલ્હીની એક હોસ્પિટલમાં ૪૫ વર્ષના દર્દી મહફુઝ અહેમદની કિડનીમાંથી ૭૦૦ ગ્રામનો સ્ટોન નીકળતાં વર્લ્ડરેકોર્ડ સર્જાયો છે. આ સ્ટોનનો વ્યાસ ૯ સેં.મી. છે અને વજન ૭૦૦ ગ્રામ છે. આ અગાઉ પાકિસ્તાનના એક દર્દીનાં શરીરમાંથી ૬૨૦ ગ્રામનો સ્ટોન કાઢવામાં આવ્યો હતો, આમ સૌથી વધુ વજનનો સ્ટોન કાઢવામાં નવો રેકોર્ડ સર્જાયો છે.
મહફુઝની કિડનીમાંથી કુલ પાંચ સ્ટોન કાઢવામાં આવ્યા છે, જેનું વજન ૮૦૦ ગ્રામ છે. હોસ્પિટલ દ્વારા ગિનિસ બુક ઓફ વર્લ્ડરેકોર્ડમાં આ રેકોર્ડની નોંધ લેવાની રજૂઆત કરાઈ છે. મહફુઝને પથરીનો દુખાવો થતાં એક્સ-રે અને અલ્ટ્રા સાઉન્ડથી નિદાન કરવામાં આવ્યું હતું જેમાં વજનદાર સ્ટોન કિડનીમાં હોવાનું જણાયું હતું. સીટી સ્કેનથી ખ્યાલ આવ્યો હતો કે તેમની કિડની પણ દ્યણી મોટી થઈ ગઈ હતી, જોકે તે સારી રીતે કામ કરતી હોવાનું જણાયું હતું.

 (એ.જી.એન.એસ.)

 

ઓબામા અને મિશેલ પણ થઇ રહ્યા છે અલગ?, લગ્નજીવન ભંગાણના આરે

મિશેલે તેમના વકિલને ઓબામાથી અલગ જવાની વાત પણ કરી દીધી છે
michelle obama2અમેરિકાના પ્રેસિડન્ટ બરાક ઓબામા અને તેમની પત્ની મિશેલ ઓબામા વચ્ચેનું લગ્નજીવન ભંગાણના આરે હોવાનું એક અમેરિકન ન્યુઝપેપરમાં જણાવવામાં આવ્યું છે. સુત્રોએ જણાવ્યું કે મિશેલ ઓબામાના ૫૦માં જન્મ દિવસે પછી સાથે નહિ અને મિશેલે તેમના વકિલને ઓબામાથી અલગ જવાની વાત પણ કરી દીધી છે. સુત્રોનું એવુમ પણ કહેવું છે કે ઓબામાએ આ વાતને એટલા માટે દબાવી રાખી છે કમ કે તેઓ અમેરિકાના પ્રેસિડન્ટ છે અને ૨૦૧૬માં તેમનો સમય ખત્મ થવા જઇ રહ્યો છે. મિશેલ અને ઓબામાં વચ્ચેના ખટરાગનું કારણ ડેન માર્કની પ્રધાનમંત્રી હેલ થાર્નિગ સાથેના વધતા સંબંધોને માનવામાં આવે છે. 
જોકે આ અહેવાલને કોઈ પણ રીતે સમર્થન આપવામાં નથી આવ્યું. એવું કહેવાય છે કે અમેરિકન સીક્રેટ સર્વિસે બે વાર બરાક ઓબામાની બેવફાઈ પર પડદો પાડવાની કોશિશ કરી હતી, પણ એની જાણ મિશેલને થઈ ગઈ છે. તેઓ હવાઈમાં રજા ગાળવા ગયાં હતાં ત્યારે તેમની વચ્ચે સુમેળ સંબંધો રહ્યા નહોતા અને મિશેલ હવાઇમાંથી ઓબામાં સાથે વોશિંગ્ટન પાછા અવવા નથી માંગતાં
(એ.જી.એન.એસ.)
 

સબસીડીવાળા ગેસ સિલિન્ડરની સંખ્યા 12 થશે : મોઈલી

દિલ્હી ખાતે યોજાયેલી કોંગ્રેસ કાર્યકારિણીની બેઠકમાં કોંગ્રેસ ઉપાધ્યક્ષ રાહુલ ગાંધીએ સબસીડીવાળા રાંધણ ગેસની સંખ્યા વધારીને 12 કરવામાં આવે તે મુદ્દે માંગણી કરી હતી. જેની અસરથી ગણતરીના કલાકોમાં આ માંગણીને સમર્થન આપનારું હકારાત્મક નિવેદન પેટ્રોલિયમ મંત્રી વીરપ્પા મોઈલી તરફથી આવ્યું હતું.

 

પેટ્રોલિયમ મંત્રી વીરપ્પા મોઈલીએ કહ્યું કે સબસીડીવાળા રાંધણ ગેસ સિલિન્ડરની સંખ્યા 9ની જગ્યાએ 12 થશે. આ પ્રસ્તાવને કેબિનેટની મંજૂરી મળે ત્યાં સુધી રાહ જોવાની બાકી છે.

 

નોંધનીય છેકે શુક્રવારે દિલ્હી ખાતે યોજાયેલ કોંગ્રેસ કાર્યકારિણીની બેઠકમાં કોંગ્રેસના ઉપાધ્યક્ષ રાહુલ ગાંધીએ માંગણી કરી હતી કે  સબસીડીવાળા રાંધણ ગેસ સિલિન્ડરની સંખ્યા 9ની જગ્યાએ 12 થવી જોઈએ.

 

ઉલ્લેખનીય છેકે કેન્દ્ર સરકાર ઘરગથ્થુ વપરાશ માટે રાંધણગેસના રાહતના દરના ( સબસિડાઈઝ્ડ) બાટલાની સંખ્યા નવથી વધારીને વર્ષમાં 12 બાટલાની કરનાર છે તે સમાચાર ઘણા સમયથી વહેતા રહ્યાં છે.

 

ચાર રાજ્યોની  વિધાનસભાની ચૂંટણીમાં પ્રચંડ પરાજયનો સામનો કરનાર કોંગ્રેસ સરકાર હવે લોકસભાની સામાન્ય ચૂંટણી પૂર્વે પ્રજાને રાહત મળે તેવા પગલાં ભરનાર છે અને તેમાંનું એક પગલું વર્ષમાં સબસિડાઈઝ્ડ રાંધણગેસના બાટલા નવથી વધારીને 12 કરવાનું રહેશે તેમ ચર્ચાઈ રહ્યું હતું.

 

 (એ.જી.એન.એસ.)

 

 

'આપ' ના પ્રધાન સોમનાથ ભારતીએ મહિલાને જાહેરમાં ટોયલેટ કરવા મજબૂર કરી

જાણીતા ધારાશાસ્ત્રીનો આરોપ ,ચાર મહિલાનો બંધક બનાવી હતી

 

 ભારતીએ 15મીની મધરાતે સમર્થકો સાથે એક ઘર પર રેડ પાડી હતી

somnath-bharti-AAPઆમ આદમી પાર્ટીના કાયદાપ્રધાન સોમનાથ ભારતી નવા જ વિવાદમાં ફસાયા છે.જાણીતા ધારાશાસ્ત્રી હરીશ સાલ્વે તેમના પર એવો ચોંકાવનારો આરોપ મુક્યો છે કે અડધી રાતે પોતાના સમર્થકો સાથે રેડ પાડનાર સોમનાથ ભારતીએ યુગાન્ડાની ચાર મહિલાઓને જબરદસ્તી બંધક બનાવી હતી અને બાદમાં એક મહિલાને તો ટોયલેટ જવા દેવાની પણ પરવાનગી આપી ન હતી.શરમજનક સ્થિતિમાં મુકાયેલી મહિલાને બધાની સામે જ ટોયલેટ કરવાની ફરજ પડી હતી.

15 જાન્યુઆરીએ સોમનાથ ભારતીએ દિલ્હી નજીકના ખિડકી ગામમાં એક રેડ પાડી હતી.તેમનો આરોપ હતો કે આ ઘરમાં વેશ્યાવૃત્તિ ચાલે છે અને માદક પદાર્થોની હેરાફેરી થઈ રહી છે.આ દરમ્યાનમાં તેમની પોલીસ સાથે્ પણ જીભાજોડી થઈ હતી.

એ બાદ ભારતી પોતાના સમર્થકો સાથે ઘરમાં ઘુસી ગયા હતા.
જોકે હરિશ સાલ્વેએ જે પ્રકારનો આરોપ મુક્યો છે તે ચોંકાવનારો છે.તેમનુ એમ પણ કહેવુ છે કે કાયદા પ્રધાન અને તેમના સમર્થકોની પોલીસે ધરપકડ કેમ ના કરી.જોકે આમ આદમી પાર્ટીએ મહિલાઓને પરેશાન કરવામાં આવી હોવાના આક્ષે્પથી ઈન્કાર કર્યો છે.
(એ.જી.એન.એસ.)

 

 

સુષમાનો સોનિયા પર પ્રહાર; નામ જાહેર કરતા ડરી રહી છે કોંગ્રેસ

નરેન્દ્ર મોદીનું સક્ષમ નેતૃત્વને ધ્યાને રાખીને સમૃદ્ધ ભારત માટે વોટની માંગણી

 

રામલીલા મેદાન ખાતે ૧૮મી જાન્યુઆરીથી બે દિવસીય રાષ્ટ્રીય કાર્યકારિણીની બેઠક શરૂ થઈ છે. જેનો આજે અંતિમ દિવસ છે. જેમાં ભાજપના નેતા સુષ્મા સ્વરાજે સંબોધનમાં રાહુલ ગાંધી પર સીધેસીધો પ્રહાર રાહુલ ગાંધીની સદનમાં હાજરીને મુદ્દે કર્યો 

sushma Swaraj

તેમણે કહ્યું કે, યુપીએ કાર્યકાળમાં અર્થવ્યસ્થા કથળી ગઇ છે અને સામાન્ય જનતાની હાલ બેહાલ છે. મનમોહન સરકાર સંપૂર્ણપણે ભ્રષ્ટાચારમાં ડુબેલી છે. સરહદ પર સૈનિકોના સર કલમની ઘટના પર પણ મનમોહન સરકાર ચૂપ રહી. આ દર્દનાક ઘટનામાં પણ સરકાર હાથ પર હાથ ધરીને બેસી રહી. ભ્રષ્ટાચારને જડથી ઉખેડવા માટે લોકપાલ બિલ માત્ર ને માત્ર ભાજપના દબાણના કારણે આવ્યું છે, નહીં તો આ કોંગ્રેસ સરકારમાં એટલો દમ નહોતો. સોનિયા ગાંધીની આંકો પર પટ્ટી બાંધેલી છે, તેથી તેમને સાચી વાત દેખાઇ રહી નથી.

 ભાજપના ૨૭૨ પ્લસ મિશનને લઇને તેમણે કહ્યું કે, જ્યાં આપણે નબળા છીએ, ત્યાં આપણે આ વખતે જરૂર જીતીશું. નરેન્દ્રભાઇ મોદીના નેતૃત્વમાં આપણે આ મિશન જરૂરથી હાંસલ કરીશું. દેશની જનતા આ વખતે આપણને જ મત આપશે અને આપણે સત્તા સુધી પહોંચીશુ. તેથી ભાજપના કાર્યકર્તાઓ પૂરા જોશ અને જુસ્સા સાથે પાર્ટીના આ મિશન પર જોતરાઇ જાય

-GNS

 

 

કેટરિના કૈફની બે ફિલ્મ એક જ દિવસે રિલીઝ

'બેન્ગ બેન્ગ' અને 'ફેન્ટમ' બીજી ઑકટોબરે રિલીઝ

katrina-kaif244

હૃતિક રોશન સાથેની ફિલ્મ 'બેન્ગ બેન્ગ' બીજી ઑકટોબરે રિલીઝ થશે એની જાહેરાત થઈ ગઈ છે. અને હવે નિર્માતા સાજિદ નડિયાદવાલાએ પણ કબીર ખાન દિગ્દર્શિત અને સૈફ અલી ખાન અને કેટરિનાની ફિલ્મ 'ફેન્ટમ' પણ એ જ દિવસે રિલીઝ કરવાનું નક્કી કર્યું છે.

 

AAP Anticorruption Helpline: ફેરીયાએ બે કોન્સ્ટેબલને પકડાવી દીધા

AAP Anticorruption Helpline No. 1031

AntiCorraptionHelpline

હેલ્પલાઈનમાંથી સ્ટીંગ ઓપરેશન માર્ગદર્શન આપવામાં આવ્યુ 

મળતી વિગતો પ્રમાણે સ્વેચર વેચનારા એક ફેરીયાએ પોલીસ કોન્સ્ટેબલ હપ્તા માંગતા હોવાની ફરીયાદ હેલ્પલાઈનમાં કરી હતી.હેલ્પલાઈનમાંથી ફેરીયાને આ કો્નસ્ટેબલનુ સ્ટીંગ ઓપરેશન કે્વી રીતે કરવુ તેનુ માર્ગદર્શન આપવામાં આવ્યુ હતુ.એ બાદ આ ફેરીયાએ જાતે સ્ટીંગ કરીને તેના પૂરાવા એસીબીને સોંપ્યા હતા.એ બાદ એસીપીએ છટકુ ગોઠવીને બંને કોન્સ્ટેબલ ઈશ્વરસીંઘ અને સંદિપ કુમારને ટ્રેપ ગોઠવીને ઝડપી પાજ્યા હતા.ગત મહિને પણ આ કોન્સ્ટેબલ ફેરીયા પાસે 3000 રુપિયા લઈ ગયા હતા.આ વખતે તેમણે ફરી પૈસા માંગ્યા હતા.

 

દેહરાદૂન એક્સપ્રેસમાં આગ : નવનાં મોત

વાંદરા ટર્મિનસથી આજે મધરાતે ૧૨.૦૫ વાગ્યે રવાના થયેલી ટ્રેન નં.૧૯૦૧૯ વાંદરા ટર્મિનસ-દહેરાદૂન એક્સપ્રેસ મહારાષ્ટ્ર-ગુજરાતના સીમાડે આવેલા ઘોલવાડ સ્ટેશન નજીક ટ્રેનના જનરલ સ્લીપરના ત્રણ ડબા ભીષણ આગમાં લપેટાઈ જતાં બાબતે ખાખ થઈ ગયા હતા. આ દુર્ઘટનામાં ગુજરાતી સિનીયર સિટિઝન દંપતી સહિત નવ પ્રવાસી આગમાં ભડથું થઈ ગયા હતા. અને પાંચ જણ જખ્મી થયા હતા. રેલવેમાં આગ લગાવવાનો કિસ્સો ૧૫ દિવસમાં બીજો બન્યો છે. અહીં આગ લાગવાથી ઘટના બનતાં વિરારથી ઉમરગામ વચ્ચેની ટ્રેન વ્યવહાર સવારે ૬.૩૦ વાગ્યા સુધી ઠપ થઈ ગયો હતો. પરંતુ ત્યારબાદ અપ દિશાની ટ્રેક પરથી ટ્રેન વ્યવહાર શરૃ કરાયો હતો.
 

સાબરમતી સેન્ટ્રલ જેલમાં કેદીઓએ પોલીસને ફટકાર્યા

સાબરમતી સેન્ટ્રલ જેલમાં કાચા કામના કેદીઓ માટે આજે મેડીકલ કેમ્પ રાખવામાં આવ્યો હતો. સવારે ૧૦ વાગે વિભાગ-૧ પાસે જેલ હોસ્પિટલ ખાતે કેમ્પની શરૂઆત થઇ હતી. દરમિયાન પાકા કામના બે કેદી ફારૂક ઉર્ફે તૈલી હાજુ મહંમદ તેમજ રફીક આલમ પરમાર ત્યાં આવ્યા હતા અને અમારે પણ મેડીકલ ચેકઅપ કરાવવું છે તેમ કહેતા ત્યાં હાજર હવાલદાર મનોજકુમાર બહાદુર વાઘેલાએ તેમને જણાવ્યું હતું કે આ તો કાચા કામના કેદીઓનો મેડીકલ ચેકઅપ કેમ્પ છે. તમારો જ્યારે કેમ્પ આવે ત્યારે તમે કરાવજો. આથી બંને કેદીઓ ઉશ્કેરાઇ ગયા હતા અને અમારે પણ મેડીકલ ચેકઅપ કરાવવું જ છે તેમ કહીને બબાલ કરતાં હતા. આથી મનોજકુમારે તેમને કહ્યું હતું કે તમને કોઇ તકલીફ જ હોય તો લાઇનમાં ઊભા રહી જાવ. આથી ફરીથી બંને કેદીઓએ દાદાગીરીના સ્વરમાં કહ્યુ હતું કે અમે કોઇ લાઇન બાઇનમાં ઊભા રહીએ નહીં.
આ મુદ્દે પોલીસ અને કેદીઓ વચ્ચે માથાકુટ થઇ હતી અને સામસામી મારામારી પર ઉતરી આવતાં જેલમાં હોબાળો મચી ગયો હતો.
 

ભારતે કર્યું ચીન પર અટેક કરવાની ક્ષમતાવાળી મિસાઇલ અગ્નિ-Vનું સફળ પરિક્ષણ

ભારતે આજે 5,000 કિલોમીટરની રેન્જ સુધી અટેક કરવાની ક્ષમતા ધરાવતી મિસાઇલ અગ્નિ-Vનું સફળ પરિક્ષણ કર્યું છે. આ પરિક્ષણ ઓરિસ્સાના દરિયાકિનારાથી કરવામાં આવ્યું હતું અને હવે એની મદદથી ભારત પડોશી દેશ ચીનના આખા ઉત્તર ભાગને તબાહ કરી શકવાની ક્ષમતા ધરાવે છે.

 

Agni V Launch.jpg

આ પહેલાં 19 એપ્રિલ, 2012ના દિવસે આ મિસાઇલનું પહેલું ટેસ્ટ લોન્ચિંગ કરવામાં આવ્યું હ તું અને આજે આ લોન્ગ રેન્જ મિસાઇલનું બીજું સફળ ટેસ્ટ લોન્ચ કરવામાં આવ્યું છે.

એકવાર 17.5 મીટર લંબાઈ ધરાવતું અગ્નિ-V મિસાઇલ તમામ ટેસ્ટ પછી સંપૂર્ણ સક્ષમ બની જશે ત્યારે ભારતનો સમાવેશ આવા મિસાઇલ ધરાવતા અમેરિકા, રશિયા, ચીન, ફ્રાન્સ અને બ્રિટન જેવા ખાસ દેશોની યાદીમાં થઈ જશે.

 

પ્રિયંકા ચોપરા આંતરરાષ્ટ્રીય સ્તર પર તેની ખ્યાતિ વધારતી જાય છે

હવે એક આંતરરાષ્ટ્રીય પરિષદ સંબોધવાની તૈયારીમાં

પ્રિયંકા ચોપરા ધીરે ધીરે આંતરરાષ્ટ્રીય સ્તર પર પણ ખ્યાતિ મેળવતી જાય છે. પોતાનું એક આંતરરાષ્ટ્રીય આલ્બમ રિલિઝ કર્યાં પછી અને હોલીવૂડની એક એનિમેશન ફિલ્મમાં પોતાનો અવાજ આપ્યા પછી હવે પ્રિયંકાને એક આંતરરાષ્ટ્રીય મહોત્સવમાં સભાને સંબોધન કરવાનું આમંત્રણ મળ્યું છે.
બોલીવૂડમાં એવોર્ડસ મેળવનારી અભિનેત્રીએ પિટબુલ અને વિલ આઈ એમ જેવા આંતરરાષ્ટ્રીય કલાકારોના સહયોગથી આંતરરાષ્ટ્રીય આલ્બમ બહાર પાડીને પશ્ચિમમાં તેનો બહોળો ચાહક વર્ગ ઊભો કર્યો છે. આ પહેલાં ગેરાલ્ડ બટલર અને જોન હામ જેવા અભિનેતાઓ સાથે જોવા મળી હતી.
પ્રિયંકાએ જણાવ્યા પ્રમાણે, 'આ સમારોહને સંબોધવાની તક મળી અને હું મારું મોટું સન્માન માનું છું. અમેરિકા અને ગ્લોબલ એન્ટરટેઈનમેન્ટ અને મિડિયામાં ભારતીયોનો પ્રભાવ જોઈને હું ખુશ થઈ છું.'
સપ્ટેમ્બરની ૨૭ અને ૨૮મી તારીખે યોજાનારી બે દિવસની પરિષદમાં પ્રિયંકા પરિષદને સંબોધશે.

 

દિલ્હી ગેંગરેપના દોષિતાના વકીલના બેજવાબદાર નિવેદનથી ભડકો

 

મારી પુત્રી લગ્ન પહેલાં સેક્સ માણતી હોત તો હું તેને જીવતી સળગાવી દેત

તમામ વાલીઓએ આવો જ અભિગમ અપનાવવો જોઇએ ઃ એ. કે. સિંહ

જો મારી પુત્રી લગ્ન પહેલાં સેક્સ માણતી હોત અને તેના બોયફ્રેન્ડ સાથે રાત્રે ફરતી હોત તો હું તેને જીવતી સળગાવી નાખત તેવા બેજવાબદાર અને સનસનીખેજ નિવેદન કરીને ૧૬ ડિસેમ્બરની ગેંગરેપના સજા પામેલાં દોષિતોના એક વકીલે વિવાદનો મધપૂડો છેડયો છે. તેમના આ નિવેદનની સમગ્ર દેશમાં ગંભીર નોંધ લેવામાં આવી રહી છે અને તેમની ટીકાઓ થઇ રહી છે.
ગઇકાલે આ કેસના ચારેય આરોપીઓને કોર્ટ દ્વારા ફાંસીની સજા જાહેર કર્યા બાદ બચાવ પક્ષના વકીલ એ.પી. સિંહ જાણે માનસિક સંતુલન ગુમાવી બેઠા હોય તેવીરીતે ગઇકાલથી જ બેજવાબદાર નિવેદનો કરી રહ્યા છે. ગઇકાલે તેમણે કહ્યું હતું કે આ ચુકાદો રાજકીય દબાણ હેઠળ આપવામાં આવ્યો છે.
વધુમાં તેમણે કહ્યું હતું કે જો દેશ આ કેસને આવી ઘટના માટે અવરોધક તરીકે જુએ છે તો હું હજુ બે મહિના ગુનાખોરીની સ્થિતિ જોઇશ. આ કેસમાં દોષિતોને ફાંસીની સજા બાદ જો બળાત્કારની કોઇ ઘટના નહિ બને તો હું લેખિતમાં કહીશ કે મારા અસીલોને ફાંસીએ લટકાવી દેવામાં આવે.
આજે એક પ્રશ્નના જવાબમાં સિંહે કહ્યું હતું કે જો મારી પુત્રી લગ્ન પહેલાં સેક્સ માણતી હોય અને તેના બોયફ્રેન્ડ સાથે રાત્રે ફરતી હોય તો હું તેને જીવતી સળગાવી દીધી હોત. હું ક્યારેય આવી પરિસ્થિતિને જન્મ લેવા ન દેત. તમામ વાલીઓએ આ પ્રકારનો અભિગમ અપનાવવો જોઇએ.
જોકે સિંહના નિવેદનની સમગ્ર રાષ્ટ્રમાં ગંભીર નોંધ લેવામાં આવી છે. દેશના અનેક એનજીઓ અને અન્ય સંગઠનોએ તેમના આ નિવેદનો વિરૃધ્ધ દિલ્હી બાર એસોસિએશનને ફરિયાદ કરી છે. તે મામલે એસોસિએશનના સેક્રેટરી મુરારી તિવારીએ જણાવ્યું હતું કે આ અંગે લેખિત ફરિયાદ મળી નથી. પરંતુ ૨૦ સપ્ટમ્બરની બેઠકમાં આ મામલો ઉઠાવવામાં આવશે.

કોર્ટે પૂરાવાના આધારે ચુકાદો આપ્યો છે ઃ પીડિતાના પિતા
ફાંસીની સજા આપતાં પહેલાં મારા બાળકના ભાવિ અંગે વિચારવું હતું ઃ આરોપીની પત્ની

રાજકીય દબાણને કારણે ચારેય દોષિતોને ફાંસીની સજા આપવામાં આવી છે તેવા બચાવ પક્ષના વકીલની દલીલ સામે જોરદાર વાંધો લેતાં દિલ્હી ગેંગરેપની પીડિતાના પિતાએ વકીલના નિવેદનને ન્યાયતંત્રનું અપમાન ગણાવ્યું હતું અને કહ્યું હતું કે આ ચુકાદો કોઇ રાજકીય દબાણને કારણે નહિ પણ પુરાવાના આધારે આપવામાં આવ્યો છે.
વધુમાં તેમણે કહ્યું હતું કે આવી ગોઝારી ઘટના તેમના પુત્રી કે સગા સાથે બની હોત તો પણ તેઓ આવું જ બોલ્યા હોત. મને સંપૂર્ણ વિશ્વાસ છે કે જો આ ચુકાદાને ઉપલી અદાલતોમાં પડકારવામાં આવે તો પણ આ જ નિર્ણય આવશે.
દરમિયાન ગેંગરેપના દોષિત અક્ષય ઠાકુરની પત્નીએ આજે કહ્યું છે કે મારા પતિને ફાંસીની સજા ફરમાવતા પહેલાં કોર્ટે મારા બાળકના ભાવિ અંગે વિચારવું જોઇતું હતું. રડમસ અવાજે રહેમની ટહેલ નાખતાં પુનિતા દેવીએ કહ્યું હતું કે મારા બે વર્ષના પુત્રની સંભાળ કોણ લેશે? મીડિયાએ પણ આમાં પક્ષપાતી વલણ દાખવ્યું છે. અક્ષયના પિતા આ ચુકાદા સામે હાઇકોર્ટમાં જવાનો વિકલ્પ ચકાસવામાં આવશે તેમ કહ્યું છે.

 

 

સમય સમયની બલિહારી! મોદીની પ્રેસનોટ કોઈ નહોતું લેતું ને આજે

અત્યારે નરેન્દ્ર મોદી એ દેશમાં સૌથી વધુ ચર્ચાતું નામ છે પરંતુ પહેલા તો એ એક સામાન્ય વ્યક્તિ હતા જે વડનગરથી અમદાવાદ આવી અને એસ. ટી. ડેપોની કેન્ટીન ચલાવતા હતા.

આજે એક એવા વ્યક્તિના સંસ્મરણો પ્રસ્તુત કરવા છે જે નરેન્દ્ર મોદીના રાજકારણમાં પ્રવેશ માટે કારણભૂત છે એટલું જ નહી પરંતુ મોદીની રાજકીય યાત્રાની શરૂઆત જેણે પોતાનું પદ મોદીને આપીને કરાવી હતી. એ વ્યક્તિનું નામ છે અંબાલાલ કોષ્ટિ. જે વર્ષોથી ભાજપના પ્રદેશ કાર્યાલયમાં પોતાની સેવા આપી રહ્યા છે. અંબાલાલનું કહેવું છે કે એક સમય હતો કે મોદીની પ્રેસનોટ કોઈ હાથમાં લેવા પણ તૈયાર નહોતું પણ આજે તો સૌકોઈ પડાપડી કરે છે.

અંબાલાલ જૂનાં સ્મરણો વાગોળતા કહે છે કે લગભગ ૧૯૬૬ની સાલમાં જ્યારે તેઓ જનસંઘમાં કાંકરિયા વોર્ડના મહામંત્રી હતા અને એક સ્થાનિક આંદોલન કરી રહ્યા હતા ત્યારે તેમણે નરેન્દ્ર મોદીને પહેલી વાર જોયા હતા. મોદી પાસે દિનદયાળ ઉપાધ્યાયના કેટલાંક પુસ્તકો હતાં તેથી અંબાલાલને એમ લાગ્યું હતું કે આ યુવાનને જનસંઘ અને સંઘની પ્રવૃત્તિઓ પ્રત્યે આકર્ષિ‌ત કરી શકાશે. તેથી તેમણે અને તેમના સાથીદારોએ નિયમિતપણે મોદીના સંપર્કમાં રહેવાનું શરૂ કર્યું.

અંબાલાલનું કહેવું છે કે મોદીને પહેલેથી જ લોકોની સેવા કરવામાં રસ હતો. તે સમયે રોજ સવારની શાખા બાદ અંબાલાલ એસ.ટી.ની કેન્ટીન જતા અને મોદી સાથે ચા પીતા હતા. કેટલાક દિવસો બાદ તેઓ મોદીના જનસંઘમાં જોડાવા માટે મનાવી લીધા હતા એટલું જ નહી પોતાના મહામંત્રી પદની જવાબદારી સીધી જ મોદીને સોંપી દીધી હતી.

આ માટે અંબાલાલ કારણ આપે છે કે તે વખતે જનસંઘમાં જોડાવા માટે કોઈ તૈયાર જ થતું નહોતું તેથી જો કોઈ તૈયાર થાય તો તેને આકર્ષવા માટે વોર્ડના મહામંત્રી પદનો ત્યાગ કરવો એ કંઈ મોટું બલિદાન ન કહેવાય. સ્મરણયાત્રા આગળ ધપાવતા અંબાલાલ કહે છે કે ત્યાર બાદ નરેન્દ્ર મોદી સંઘની શાખામાં પણ નિયમિતપણે જવા લાગ્યા હતા અને ધીરે ધીરે તે સંપૂર્ણપણે વધુ સંઘને સમર્પિ‌ત થઈ ગયા હતા.

 

નોટિસ મળી હોય તેવા કોટ વિસ્તારનાં જર્જરિત મકાનો રિપેર કરાવી શકાશે

 

મધ્યઝોનના ગેરકાયદે બાંધકામો જ રાજકીય નેતાઓની બે નંબરી આવકનો મુખ્ય સ્ત્રોત

અમદાવાદમાં મધ્યઝોન કોટ વિસ્તારમાં રાજકારણીઓ અને ટીડીઓ ખાતાની સાંઠગાંઠમાં ઠેર ઠેર ગેરકાયદે બાંધકામો થઈ ગયા છે. રહેણાંકના મકાનનો હેતુફેર કરીને બારોબાર કોમર્શિયલ યુઝ શરૃ કરી દેવાય છે. આવું ખોટું કરનાર ખોટું કરીને કમાઈ જાય છે અને પછી નિયમો કડક બનતા બાકીના પ્રજાજનોને સહન કરવાનો વારો આવે છે. દરમ્યાનમાં ટાઉનપ્લાનીંગ કમિટીની મળેલી બેઠકમાં તાકીદનો ઠરાવ કરવામાં આવ્યો છે કે ''જર્જરિત મકાનોને રીપેરીંગની મંજુરી આપવી.''Z

આ અંગે પ્રાપ્ત વિગતો અનુસાર ટાઉન પ્લાનીંગ કમિટીમાં જે જરીપુરાણા મકાનના માલિકને ૨૬૪ની નોટિસ મળી છે તેમને મકાન ઉભુ રહી શકે તે માટે રીપેરીંગની મંજુરી આપવી તેવું નક્કી કરાયું છે. ૨૦૧૦-૧૧માં ૨૪૧ મકાનોને, ૨૦૧૧-૧૨માં ૨૨૫ મકાનોને, ૨૦૧૨-૧૩માં ૨૨૭ મકાનોને અને ૨૦૧૩માં અત્યાર સુધીમાં ૧૯૨ને આવી ૨૬૪ની નોટિસો ફટાકારાઈ છે. શહેરમાં આવા ૫૦૦૦ જેટલા મકાનો હોવાનો એક અંદાજ છે. ટીગર્ડરનો કેસ કોર્ટમાં હોવાથી આ પ્રથા પરિપત્ર કરી સંપૂર્ણપણે બંધ કરાઈ છે. દરમ્યાનમાં કોઈ મકાન તૂટી પડે તો શું ? તે પ્રશ્ન હોવાથી માત્ર મકાનને ઉભુ રાખવા પુરતી આ પ્રકારની મંજુરી આપવાનો નિર્ણય કરાયો છે.
દરમ્યાનમાં જેમને રીપેરીંગ કરવું હશે તે સામે ચાલીને ગોઠવણ કરીને ૨૬૪ની નોટીસ મેળવી લેશે તો ? તેવા પ્રશ્નના જવાબમાં ટીપી કમિટીના ચેરમેને જણાવ્યું હતું કે, આ માટે અમે ડે. કમિશ્નર જેવા ઉચ્ચ અધિકારીની કમિટી બનાવીશું અને સ્થળ મુલાકાત લઈ તેના ફોટા લીધા બાદ જ નવી નોટિસ ઈશ્યુ કરવાની બાબતમાં આગળ વધવામાં આવશે. જોકે પડોશી-પડોશી, ભાડુઆત અને માલિક, ઉપર-નીચે રહેતા લોકો વચ્ચેનો અણબનાવ વગેરે બાબતો પણ નવા પ્રશ્નો ઉભા કરશે.
બીજી તરફ મધ્યઝોનના ભાજપ અને કોંગ્રેસની રાજકારણીઓ માટે ગેરકાયદે બાંધકામ બે નંબરની આવકનો મુખ્ય સ્ત્રોત છે. આવા સમયે ઘણી વખત પક્ષિય મતભેદો બાજુએ મુકી સહીયારાની નીતિ અપનાવાય છે. કેટલાંક વગ ધરાવતા નેતાઓ તો ગેરકાયદે બાંધકામનો પ્રોજેક્ટ કેટલી રકમમાં થશે અને તેમને પહેલાં કેટલાં અને પછી કેટલા આપવા પડશે તેની ટકાવારી મુજબ ગણતરી પણ કરી આપે છે.
આ બાબત હવે ગાંધીનગરના આગેવાનોથી પણ ખાનગી રહી નથી, જેનું નકારાત્મક પરિણામ એ આવે છે કે નિયમો વધુને વધુ અટપટા અને કડક થતાં જાય છે, પરિણામે જે સાચી વ્યક્તિ છે તેને પણ પોતાનું મકાન રીપેરીંગ કરાવવું ભારે પડી જાય છે. કોટ વિસ્તારના નાગરિકોના હિતમાં ઉચ્ચ અધિકારીઓએ પોતે કે આ ક્ષેત્રના નિષ્ણાતોને રોકીને અભ્યાસ કરીને ઘણું બધું કરવા જેવું છે.

 

 

ગ્રામજનોએ આસારામ આશ્રમમાં ઘૂસી સાધકોને ફટકાર્યા

બારડોલી-નવસારી રોડ પર તાજપોર ખાતેના પ્રસિદ્ધ વૈજનાથ મહાદેવ મંદિરની બાજુમાં આસારામે ઊભો કરેલા આશ્રમના સંચાલકોએ છેલ્લા કેટલાક સમયથી મહાદેવ મંદિર પરિસરનો કબજો કરવાની પેરવી રચી હતી. સરભોણ આસપાસના સાતથી આઠ ગામના યુવાનોએ આજે વૈજનાથ મંદિર પર કબજાના મામલે આસારામના સાધકોને ફટકારી મંદિર પરિસરમાંથી તગેડી દેતા ચકચાર મચી હતી.

  • બારડોલીના તાજપોરની ઘટના : મંદિરની જગ્યા પચાવી પાડવાની પેરવીથી ગ્રામજનો વીફર્યાં

આ મંદિરનું સંચાલન વર્ષોથી બારડોલીના સરભોણ પટ્ટીના સાતથી આઠ ગામના લોકો દ્વારા થઈ રહ્યું છે, છેલ્લા કેટલાક સમયથી આસારામ આશ્રમના સંચાલક સાધકો દ્વારા ધીરે ધીરે કરીને વૈજનાથ મહાદેવ મંદિર પરિસરનો કબજો લેવાનું ચાલુ કરતા ભૂતકાળમાં પણ વિવાદો થયા હતા. કેટલાક સમય પહેલા વૈજનાથ મહાદેવના મંદિરના પ્રવેશદ્વાર નિર્માણ દરમિયાન બાંધકામ બાદ પ્રવેશદ્વારની બંને સાઈડે આસારામની તસવીરો લગાવીને આસારામના સાધકોએ પ્રવેશદ્વારને પોતાનો ગણાવી દીધો હતો. ઉપરાંત મંદિર પરિસરના રૂમોનો કબજો કરી દેવાયો હતો. અનુષ્ઠાનના સાધનો પણ આજ મંદિર પરિસરમાં મુકી દઈ વૈજનાથ મંદિર પર આસારામ સાધકોએ કબજો કરી લીધો હતો. જેથી આસપાસના ગામના યુવાનોએ ત્યા ધસી જઈ વૈજનાથ મંદિર પરિસરમાંથી આસારામની મૂકવામાં આવેલી મોટી તસવીરો, દાનપેટી અને અનુષ્ઠાન માટેના સાધનો આ યુવાનોએ ઉખેડી ફેંક્યા હતા તે દરમિયાન આસારામ આશ્રમ સાચવવા રહેતા તેના ચેલા સાધકોએ વિરોધ કરતા યુવાનોએ આસારામના સાધકોને ફટકારીને તગેડયા હતા.

 

બળાત્કાર પીડિતાની આપવીતીઃ રૂમમાં નગ્ન હતા આસારામ

પીડિતાના કહેવા પ્રમાણે, આસારામ મને ગંદી રીતે સ્પર્શી રહ્યાં હતાં. તેઓ મારા સમગ્ર શરીર પર હાથ ફેરવી રહ્યાં હતા. તેમણે મને ઓરલ સેક્સ કરવા માટે કહ્યું. તેઓ બિલકુલ નગ્ન હતા. તેમણે બળજબરીપૂર્વક મારા કપડાં ઉતારવાનો પણ પ્રયાસ કર્યો હતો. હું રડવા લાગી. તેમણે મારું મોં બંધ કરી દીધું. તેમણે લગભગ એક કલાકના ગાળામાં મારી સાથે આ બધું કર્યું. જ્યારે હું રૂમમાંથી બહાર નીકળવાનો પ્રયાસ કરવા લાગી, ત્યારે તેમણે મને ધમકાવી.

પીડિતાએ ફરિયાદમાં જણાવ્યું છે કે, આસારામે તેને કહ્યું હતું કે, તે શક્તિશાળી પુરૂષ છે. એટલું જ નહીં, પોતાની સરખામણી ભગવાન સાથે કરતાં આસારામે કહ્યું હતું કે, તેઓ આજના સમયના ભગવાન છે. રૂમમાં જે કાંઈ થયું તે અંગે બહાર જઈને કોઈને કહેશે તો તેનો સમગ્ર પરિવાર બરબાદ કરી દેશે. છોકરીએ કહ્યું કે તેણી ગભરાઈ ગઈ હતી. એટલે તે સમયે તે ઘટના અંગે કોઈને કશું કહ્યું ન હતું, જ્યારે ઘરે પિતા સાથે પરત ફરી, તો તેણે પરિવારજનોને આ અંગે માહિતી આપી હતી. અંતે તેમણે નવીદિલ્હીમાં કમલા માર્કેટ પોલીસ સ્ટેશનમાં ફરિયાદ નોંધાવી હતી.

 

મિશન-૨૦૧૪: રાહુલ PM પદ માટે આદર્શ પસંદગી: મનમોહન

૨૦૧૪ની ચૂંટણી પછી નિવૃત્ત થવાનો વડાપ્રધાનનો આડકતરો સંકેત

વડાપ્રધાન ડો.મનમોહનસિંઘે આગામી ચૂંટણીઓ પછી વડાપ્રધાન નહીં બનવાના સંકેત આપ્યા છે. તેમણે શનિવારે જણાવ્યું કે, કોંગ્રેસના ઉપાધ્યક્ષ રાહુલ ગાંધી વડાપ્રધાનપદ માટે તેમની આદર્શ પસંદગી છે. સાથે જ જણાવ્યું કે, તેમને રાહુલ ગાંધીના નેતૃત્વમાં પક્ષ માટે કામ કરવામાં ખુશી થશે.

વડાપ્રધાન ડો.મનમોહનસિંઘ જી-૨૦ સંમેલનમાં ભાગ લઇને રશિયાથી પાછા ફરતી વખતે પત્રકારો સાથે વાત કરી રહ્યા હતા. પ્રશ્ન હતો, કોંગ્રેસમાં ઘણા લોકો રાહુલ ગાંધીને વડાપ્રધાન બનતા જોવા માગે છે, આવી સ્થિતિમાં શું તમારી ત્રીજી ઇનિંગ શક્ય હશે? જવાબમાં વડાપ્રધાને જણાવ્યું કે, 'મેં હંમેશ કહ્યું છે કે ૨૦૧૪ની ચૂંટણીઓ પછી રાહુલ ગાંધી વડાપ્રધાન પદની આદર્શ પસંદગી હશે.’

પર્સનાલિટી વોર ટાળવાની કોંગ્રેસની કોશિશ

રાહુલને ૨૦૧૪ની ચૂંટણી માટે બનેલી પાર્ટી કો-ઓર્ડિનેશન કમિટીની જવાબદારી પહેલાથી જ સોપવામાં આવી છે. તેમને આધીન ચૂંટણી સાથે જોડાયેલી અન્ય ઘણી સમિતિઓ પણ કામ કરી રહી છે. જો કે, કોંગ્રેસ વડાપ્રધાનપદ અંગે કોઇ જાહેરાતથી પરેજ કરી રહી છે, જેથી સામાન્ય ચૂંટણી 'પર્સનાલિટી વોર’માં રૂપાંતર ન થઇ જાય. જ્યારે ભાજપની મોદી છાવણી સતત આ કોશિશમાં છે કે,મોદી વિરુદ્ધ રાહુલ ગાંધીની ચર્ચા શરૂ કરવામાં આવે, જેથી ચૂંટણીને અમેરિકી પેટર્ન પર વાળી શકાય. જો કે, કોંગ્રેસની વ્યૂહાત્મક ટીમના મહત્ત્વના સભ્યે જણાવ્યું કે, રાહુલ ગાંધીના નેતૃત્વ અંગે કદાચ જ કોઇને ભ્રમ હોય. બધું બહુ જ સ્પષ્ટ છે. રાહુલ ગાંધીએ પોતે નિર્ણય લેવાનો છે.’

 

ગાંધીનગર અને અમદાવાદની વચ્ચે ગિફ્ટ સિટી ફાઈનાન્સ હબ બનશે

ગિફ્ટ સિટી 'ગુજરાત ઇન્ટરનેશનલ ફાઇનાન્સ ટેક સિટી’ ને ગુજરાતના ગ્રોથ એન્જિન તરીકે જોવામાં આવે છે. અમદાવાદ શહેરના છેડા પર ગાંધીનગર અને અમદાવાદની વચ્ચે આકાર લઇ રહેલા ગિફ્ટ સિટીમાં આવતા દસ વર્ષમાં અહીં ફાઇનાન્સિયલ ઇન્સ્ટિ‌ટયૂટ્સ, બેન્ક્સ, ઇન્શ્યોરન્સ કંપનીઝ અને સાથે સાથે ઇન્ટરનેશનલ કન્સલ્ટન્ટ્સ પણ તેમની ઓફીસીસ બનાવવાના છે.

૮૮૬ એકર વિસ્તારમાં ગિફ્ટ સિટી સાકાર થશે

આ સાથે હવે ગિફ્ટ સિટી વેસ્ટર્ન રિજનમાં અમદાવાદને ફાઇનાન્સ હબ બનાવવા માટેની દાવેદારી મજબૂત બનાવશે. નોંધનીય છે કે ફાઇનાન્સ ક્ષેત્રે આગળ આવવા માટે અમદાવાદ અને મુંબઇમાં સીધી ટક્કર છે.

 

Read News Paper

Video News Site

Polls

શું પ્રશાંત ભૂષણે હવે ટીમ અણ્ણામાં રહેવું જોઈએ?
 

Who's Online

We have 4 guests online