રાજકારણ ઊંડું અને ડેન્જરસ છે - રજનીકાન્ત

રજનીકાન્તેLinga-Movie તેમની ત્રણ ભાષાઓમાં બનેલી ઍક્શન થિþલર ફિલ્મ લિંગાના ઑડિયો તથા ટ્રેલરના લૉન્ચ પ્રસંગે પત્રકારોને સંબોધતાં આ ૬૩ વર્ષીય ઍક્ટરે જણાવ્યું હતું કે રાજકારણ ઊંડું અને ડેન્જરસ છે. હું રાજકારણથી ડરતો નથી, પરંતુ પૉલિટિક્સમાં માણસનાં મૂળ ઊંડાં હોવાં જરૂરી છે. હું તો ભગવાન દોરી જાય એ રસ્તે જાઉં છું. જો ભગવાન મને રાજકારણમાં લઈ જવા ઇચ્છતો હશે તો હું લોકોની સેવા કરીશ. આ ફિલ્‍મનું નામ તેમના એક દોહિત્રના નામ પરથી રાખવામાં આવ્‍યું છે. એકટર ધનુષને પરણેલી રજનીકાન્‍તની દીકરી ઐશ્વર્યાને બે પુત્રો છે. જેમાંના બીજા પુત્રનું નામ લિન્‍ગા છે. આ ફિલ્‍મમાં સોનાક્ષી સિંહા અને સાઉથની હિરોઇન અનુષ્‍કા શેટ્ટી છે. પરંતુ રાજકારણથી ડરતા નથી પણ એમાં ઝંપલાવતાં તેમને ખટકાટ થાય છે.

 

‘ગઠબંધન' મામલે ભાજપે અડવાણીને ગેરસમજ રાખ્‍યા

22-advani.jpg - 27.43 Kb

શિવસેના અને બીજેપીની યુતિ તૂટવા વિશે બીજેપીના વરિષ્‍ઠ નેતા લાલકૃષ્‍ણ અડવાણીએ શિવસેનાને જવાબદાર ગણાવ્‍યાના બે દિવસ બાદ શિવસેનાએ એના જવાબમાં રોષ વ્‍યક્‍ત કરતાં જણાવ્‍યું હતું કે અડવાણીને તેમની પાર્ટીએ યુતિમાં ભંગાણ થયું એની પૂરેપૂરી વિગતો આપી નથી. તાજેતરમાં અડવાણીએ પટનામાં યોજાયેલ એક સંમેલનમાં જણાવ્‍યું હતું કે શિવસેનાના પક્ષપ્રમુખ ઉદ્ધવ ઠાકરેને તેમની યુતિમાં રહેવાની સલાહ ગમી નહોતી. શિવસેનાએ જણાવ્‍યું હતું કે ‘જયારે યુતિમાં વાતચીતમાં મુશ્‍કેલીઓ સામે આવી ત્‍યારે ઉદ્ધવજીએ સામેથી ફોન કરીને અડવાણીજીને પરિસ્‍થિતિનું વર્ણન કર્યું હતું. જો યુતિમાં ભંગાણ પડે તો અમને માફ કરજો એવી શાલિનતા ઉદ્વવે દાખવી હતી.'

તાજેતરમાં અડવાણીએ પટનામાં યોજાયેલા એક સંમેલનમાં જણાવ્યું હતું કે શિવસેનાના પક્ષપ્રમુખ ઉદ્ધવ ઠાકરેને તેમની યુતિમાં રહેવાની સલાહ ગમી નહોતી. શિવસેનાએ જણાવ્યું હતું કે ‘જ્યારે યુતિમાં વાતચીતમાં મુશ્કેલીઓ સામે આવી ત્યારે ઉદ્ધવજીએ સામેથી ફોન કરીને અડવાણીજીને પરિસ્થિતિનું વર્ણન કર્યું હતું. જો યુતિમાં ભંગાણ પડે તો અમને માફ કરજો એવી શાલિનતા ઉદ્ધવે દાખવી હતી.’

અડવાણીએ યુતિ તોડવા બદલ શિવસેનાને કારણભૂત જણાવતાં એના જવાબમાં શિવસેનાના સંજય રાઉતે શિવસેનાનો પક્ષ રજૂ કરતાં કહ્યું હતું કે ‘જો શિવસેનાએ દાયકાઓ જૂની યુતિ તોડવી હોત તો એણે ગ્થ્ભ્ની ઓછી સીટો લડવાની માગણી સ્વીકારી ન હોત. હિદુત્વ પર આધારિત આ યુતિ જો અમારે તોડવી હોત તો અમે ઓછી સીટો સ્વીકારી ન હોત. જો અડવાણીજીને તેમની પાર્ટી પાસેથી પૂરી વિગતો મળી ન હોય તો એ વિગતો અમે તેમની સમક્ષ રજૂ કરીશું.’

 

કોહલી વિશ્વનો સર્વશ્રેષ્ઠ ક્રિકેટર બની શકે છે : ઍડમ ગિલ્ક્રિસ્ટ

kohli.jpg.jpg - 281.17 Kb

ઑસ્ટ્રેલિયાના ભૂતપૂર્વ વિકેટકીપર ઍડમ ગિલ્ક્રિસ્ટનું માનવું છે. ભારતના વિરાટ કોહલીમાં વિશ્વના સર્વશ્રેષ્ઠ ક્રિકેટ-પ્લેયર બનવાની ક્ષમતા છે. ગિલ્ક્રિસ્ટનું આ બાબતે કહેવું હતું કે ટીમ ઇન્ડિયાનો ઑસ્ટ્રેલિયાનો પ્રવાસ વિરાટ કોહલી માટે મહત્વનો સાબિત થઈ શકે છે. જો કે કોહલીને વિદેશની ધરતી પર પ્રદર્શનની બાબતે થોડુંઘણું શીખવું પડશે, તેનામાં આ માટેની ભૂખ છે અને તે એ શીખી શકે છે. ૨૬ વર્ષનો વિરાટ કોહલી ૨૯ ટેસ્ટ-મૅચોમાં ૪૦ તથા ૧૪૫ વન-ડેમાં ૫૦ની ઍવરેજથી રન બનાવી રહ્યો છે.

જોકે, બ્રિસબેન ટેસ્ટ કોહલી માટે જ નહીં પરંતુ ભારતીય ટીમ માટે મોટો પડકાર બની રહેશે. ગાબાના મેદાન પર ઓસ્ટ્રેલિયન ઝડપી બોલર્સનું પ્રભુત્વ રહ્યું છે અને અહીં તે ૬૧ ટકા વિજયનો રેકોર્ડ ધરાવે છે. આ અંગે ગિલક્રિસ્ટે જણાવ્યું હતું કે કોહલી આ તકનો ફાયદો ઉઠાવી શકે છે અને મારા મતે તે પોતાની આ નવી જવાબદારીનો આનંદ ઉઠાવશે.

ધોનીની અનુપસ્થિતિમાં શ્રીલંકા વિરુદ્ધ વન-ડે સિરીઝમાં ભારતનું સફળતાપૂર્વક નેતૃત્વ કર્યું છે, પણ ઑસ્ટ્રેલિયા વિરુદ્ધ પહેલી ટેસ્ટમાં ધોની ન રમવાનો હોવાથી કોહલીના નેતૃત્વની ખરી કસોટી થશે. આ બાબતે ઍડમ ગિલ્ક્રિસ્ટનું કહેવું હતું કે કોહલી માટે ઑસ્ટ્રેલિયા વિરુદ્ધ પહેલી ટેસ્ટ મોટો મોકો સાબિત થશે.

ગઈ કાલે રમાયેલી ભારત શ્રીલંકા સામેની વનડે મેચમાં વિરાટ કોહલીના ૧૨૬ બોલમાં અણનમ ૧૩૯ રન રહ્યો હતો. ભારતે શ્રીલંકાનો ૫-૦થી વ્હાઇટવોશ કર્યો છે. પાંચ મેચની શ્રેણીમાં શાનદાર પ્રદર્શન કરનાર વિરાટ કોહલીને મેન ઓફ ધ સિરીઝ જાહેર કરવામાં આવ્યો હતો. કોહલીએ પાંચ મેચમાં એક સદી અને બે અડધી સદી સાથે ૩૨૯ રન બનાવ્યા હતા.

ભૂતપૂર્વ ઓસ્ટ્રેલિયન વિકેટકીપર ઍડમ ગિલ્ક્રિસ્ટનું માનવું છે કે ધોની હજુ પણ ભારતનો નંબર વન સુકાની છે. ધોની ભારતીય ક્રિકેટનો એક અદ્દભૂત સુકાની રહ્યો છે. ભારતીય ક્રિકેટમાં તેણે મોટી છાપ છોડી છે. સુકાની તરીકે સાત વર્ષમાં ધોનીએ ૨૦૧૧ના વર્લ્ડકપ સહિત વન-ડે ક્રિકેટમાં મોટા ભાગની ટુર્નામેન્ટ જીતી લીધી છે જે એક સુકાની જીતવા ઈચ્છે છે.

 

વૃંદાવનમાં બનશે વિશ્ર્વનું સૌથી ઉંચું કૃષ્ણ મંદિર : પ્રણવ મુખર્જી

pranab_mukherjee_vrindavan_pti_650_bigstry.jpg - 51.09 Kb

રાષ્ટ્રપતિ પ્રણવ મુખર્જીએ આજે સવારે વૃંદાવનમાં દુનિયાના સૌથી ઉંચા ચંદ્રોદય મંદિરનો શિલાન્યાસ કર્યો હતો.આ પ્રસંગ પર અહીં મંદિરની તેમણે સ્થાપના પુજા કરી હતી.પોતાના ટુંકા સંબોધનમાં તેમણે કહ્યું હતું કે વૃંદાવન દુનિયાને શાંતિ અને સમરસતાનો સંદેશ આપશે. રાષ્ટ્પતિએ કહ્યું કે વૃંદાવનને ધાર્મિક પર્યટનનું કેન્દ્ર બનાવવાના ઉત્તરપ્રદેશ સરકારના પ્રયાસ પ્રશંસીય છે.

આ પ્રસંગ પર અક્ષય પાત્ર ફાઉન્ડેશનના ચેરમેન મધુ પંડિત દાસ હાજર હતાં.ચંદ્રોદૃોય મંદિર સ્થળ આગમન પર રાજયપાલ રામ નાઇકે રાષ્ટ્રપતિનું સ્વાગત કર્યું હતું મુખર્જી બાદમાં ઠાકુર બાકે બિહારીના દર્શન કરવા બિહારીજીના મંદિર ગયા હતાં.

વૃંદાવનમાં બનનાર વિશ્ર્વના સૌથી ઉંચા ચંદ્રોદય મંદિૃર,ફકત કંક્રીટ શીશા કીમતી દુર્લભ પથ્થરની ઇમારત હશે નહીં નકકાશી અને શિલ્પકલાની બેજોડ બેમિસાલ હુનરમંદૃી પણ હશે નહીં આ બ્રમાંડની એક એવી કલ્પનાની સંરચના હશે જેમાં જીવં ચિત્રો,ઓડિયો વીડિયો વગેરે આધુનિક ટેકનીક દ્વારા તે વેદ પુરાણો ગંથ્રોના પાનાના શબ્દૃોથી ભરી દેવામાં આવશે જેને વિદ્વાનોએ પોતાના પ્રવચનોમાં ઉચ્ચારિત કર્યા છે.

ઇસ્કોન બેંગ્લોરના ભકતો દ્વારા કલ્પિત દુનિયાનું આ સૌથી ઉંચુ ૭૦ માળનું મંદિર તાકિદે આકાર લેશે મંદિરની વાસ્તુકલા ભારતીય પરંપરા નાગરા સ્ટાઇલની સાથે સાથે આધુનિકનું ભ્રમણ કરી રહી છે.આ મંદિરની ઉંચા ૭૦૦ ફીટ(૨૧૦ મીટર) હશે જે ૬૫ એકર જમીન પર બનાવવામાં આવી રહ્યું છે આ પ્રોજેકટ ૩૦૦ કરોડ રૂપિયાથી પણ વધુનો છે.

 

મુખ્યીમંત્રી આનંદીબહેન પટેલ આજે મુંબઇમાં

mumbai-22.jpg - 27.19 Kb

અમદાવાદઃ મુખ્યમંત્રી આનંદીબહેન પટેલ આજે સોમવારે ૧૭ નવેમ્બર-૨૦૧૪ના મુંબઇમાં દિવસભર ૪૦૦ ઉપરાંત અગ્રણી-વેપાર – ઉદ્યોગ સંચાલકો – પ્રતિનિધિ મંડળો સાથે વન-ટુ-વન બેઠકો યોજશે.

આગામી જાન્યુંઆરી-૧૫ તારીખઃ ૧૧ થી ૧૩ દરિમયાન ગુજરાતમાં યોજાઇ રહેલી વાયબ્રન્ટ ગુજરાત ગ્લોનબલ ઇન્વે.સ્ટીર્સ સમિટમાં દેશના અન્યા રાજયોના ઉદ્યોગ – વેપાર સંચાલકોને પ્રેરિત કરવા માટે આનંદીબહેન પટેલે મુંબઇમાં આ વન-ટુ-વન બેઠકનો ઉપક્રમ યોજયો છે. ઉદ્યોગ-ઉર્જા મંત્રી સૌરભભાઇ પટેલ પણ આ બેઠકોમાં ઉપસ્થિત રહેશે.

વડા પ્રધાન નરેન્દ્ર ભાઇ મોદીના હસ્તેપ જેનું ઉદઘાટન થવાનું છે તે વાયબ્રન્ટન સમિટની આગામી સાતમી સફળ શ્રેણીમાં અમેરિકા અને જાપાન સહિત આઠ અગ્રણી રાષ્ટ્રો પણ પાર્ટનર કન્ટ્રી બન્યાર છે.આ સંદભર્માં ગુજરાતની ગ્લોાબલ ઇન્વે સ્ટપર્સ સમિટ વૈશ્વિક કક્ષાએ નોલેજ શેરિંગ પ્લેટફોર્મ બની છે અને દેશ વિદેશના અગ્રણ્ય ઉદ્યોગ સંચાલકો ઉદ્યોગ-ઉર્જા મંત્રી સૌરભભાઇ પટેલ પણ આ બેઠકોમાં ઉપસ્થિત રહેશે.

આનંદીબહેન પટેલે વાયબ્રન્ટ ગુજરાત ગ્લોબલ ઇન્વેસ્ટર્સ સમિટ-૨૦૧૫ના સફળ આયોજનના નેતૃત્વકર્તા તરીકે સમિટને વ્યાપક પ્રતિસાદ મળે અને ગતિશીલ ગુજરાતની વિકાસયાત્રા ધબકતી - વાયબ્રન્ટ બને તેવા સુશાસન હેતુથી ઉદ્યોગ-વેપાર સંચાલકોની સહભાગીતા સમિટમાં જોડવાના આયામમાં દેશના મોટાં શહેરોમાં પ્રિ-વાયબ્રન્ટ ઇવેન્ટ સ્વેરૂપે વન-ટુ-વન બેઠકોનો દૌર શરૂ કરવાના છે તેનો પ્રારંભ દેશની આર્થિક રાજધાની મુંબઇથી આજે તેઓ કરશે.

 

ભારતીય પ્રાચીન, મધ્યમ અને આધુનિક સાહિત્યને પ્રાણવાન અને ચેતનવાન બનાવ્યું છે -રાજ્યપાલ

16-11-2014-welfare society sanmaan samahrambh-k-7.jpg - 36.46 Kb

અમદાવાદ : શનિવાર: “રાજ્યપાલશ્રી ઓ.પી.કોહલીએ જણાવ્યુ છે કે “સર્વ મંગલમ ભવતુ” એટલે કે સૌના મંગળની ભારતીય જીવન દ્રષ્ટિ એ જ પ્રાચીન, મધ્ય અને આધુનિક સાહિત્યને પ્રાણવાન અને ચેતનવંતુ બનાવ્યું છે. અમદાવાદના શિવાનંદ આશ્રમ ખાતે ચિદાનંદ સ્વામીની સ્મૃતિમાં આયોજિત “પ્રાચીન ભારતીય સાહિત્યનો વારસો અને તેનો વર્તમાન જીવનમાં વિનિયોગ ” વિષયક વ્યાખ્યાન શ્રેણીમાં રાજ્યપાલશ્રીએ જણાવ્યું છે કે સામાન્યત : સમાજની જે દ્રષ્ટિ હોય તે સાહિત્યમાં અભિવ્યક્ત થાય છે. આધ્યાત્મિક સાહિત્ય બે પ્રકારનું છે. ભક્તિરસ જેને આપણે આધ્યાત્મા, ધાર્મિક નીતિ જીવનનું પથદર્શન કરતુ સાહિત્ય કહીએ છીએ. જેમાં ગુઢ દાર્શનિક અને આધ્યાત્મિક ચિંતન સરળ અને લોકભોગ્ય શૈલીમાં આલેખાયેલું છે. જેમ કે રામાયણ, મહાભારત, વેદ, પૂરાણ વગેરે અને બીજી સાહિત્ય ભક્તિ સિવાયનું ઈતર સાહિત્ય એમ જણાવતા રાજ્યપાલશ્રીએ કહ્યુ કે, શાસ્ત્રોમાં ધ્યાનને ધર્મનું મુળ કહ્યું છે અને અભિમાનને પાપનું મૂળ-મહાપુરુષોના જીવનમાં અને વર્તમાન સાહિત્યમાં આ સંસ્કૃતિનો પ્રવાહ વહેતો જોવા મળે છે. આ સંસ્કૃતિ સનાતન છે, તેમ જણાવી રાજ્યપાલશ્રીએ સનાતનતાનો મહિમા વર્ણવી ભારતીય જીવન દર્શન અને ચિંતન પ્રસ્તુત કર્યું હતું.

 

રાષ્ટ્રીય પ્રેસ ડે નિમિત્તે ગૂજરાત વિદ્યાપીઠ ખાતે સેમિનાર યોજાયો

img_aaaaaaaaaaaa.jpg - 62.54 Kb
અમદાવાદઃ અખબારોની પારદર્શકતામાં વાચકોની જાગૃતિ મહત્વની છે. મીડિયામાં પ્રજાજનોની જાગૃતિ અને ભાગીદારી એ સાર્વજનિક બાબતોમાં પારદર્શકતા લાવવામાં મહત્વ પૂર્ણ ભાગ ભજવે છે. જેમાં સોશ્યિલ મીડિયા પાંચમા સ્તંતભ તરીકે ઉભરી રહયું છે તેવો નિષ્કરર્ષ રાષ્ટ્રી ય પ્રેસ ડે નિમિત્તે યોજાયેલા સેમિનારમાં તજજ્ઞો દ્વારા તારવવામાં આવ્યો‍ હતો.ગુજરાત પ્રેસ અકાદમી - ગાંધીનગર, પ્રાદેશિક માહિતી કચેરી – અમદાવાદ અને ગૂજરાત વિદ્યાપીઠના સંયુકત ઉપક્રમે ૧૬ નવેમ્બભર ‘રાષ્ટ્રી ય પ્રેસ ડે’ ની ઉજવણી નિમિત્તે ગૂજરાત વિદ્યાપીઠના પ્રૌઢ શિક્ષણ વિભાગમાં સેમિનાર યોજાયો હતો.પ્રમાણિકતા, કાર્યધગશ અને શીખવાની તત્પારતા સફળતાના મંત્રો છે. સમાજમાં બદલાવ લાવવાની ભૂમિકા અદા કરીને પત્રકારે પોતાનું પત્રકારત્વ  નિભાવવું જોઇએ. મીડિયાએ પ્રતિનિધિ નહીં પણ પ્રતિબિંબ બનીને પારદર્શિતા રજૂ કરવાની હોય છે. જેમાં વાચકો અને દર્શકોની ભૂમિકા મહત્વંની છે એમ ઇટીવી ગુજરાતીના ગુજરાતના વડા શ્રી નરેશભાઇ દવેએ જણાવ્યું  હતું.‘સાર્વજનિક બાબતોમાં પારદર્શકતામાં અખબારોની ભૂમિકા’ વિષયે યોજાયેલા સેમિનારમાં શ્રી નરેશ દવેએ વધુમાં જણાવ્યું  હતું કે, ઇલેકટ્રોનિક અને પ્રિન્ટય મીડિયાની પારદર્શકતા માટે સોશ્યિલ મીડિયા જાગૃત પ્રહરીની ભૂમિકા ભજવે છે તે મહત્વ પૂર્ણ અને પ્રશંસનીય પણ છે. 
 

વિદ્યાર્થીઓ શિક્ષણની સાથોસાથ જીવન મૂલ્યો અને નીતિમત્તાના પાઠો શીખવવા જોઈએ : રાજયપાલ

kohli.o.p.jpg - 37.33 Kb

અમદાવાદઃ વિદ્યાર્થીઓને શિક્ષણની સાથોસાથ જીવન મૂલ્યો અને નીતિમત્તાના પાઠો ભણાવવા જોઈએ જેથી ભવિષ્યમાં તે આદર્શ નાગરિક બની શકે. જ્ઞાન માહિતીની સાથે સરળતા, મૃદુતા મધુરતા, તેજસ્વીપણું, સેવા અને સમસંવેદનાના ગુણો બાળકોમાં ખીલવા જોઈએ તેમજ શિક્ષક, શૈક્ષણિક સંસ્થાઓએ વિદ્યાર્થીઓમાં રહેલી આંતરીક ચેતના જાગૃત થાય અને વિદ્યાર્થી તેના લક્ષ્યના ઉચ્ચતમ શિખર સુધી પહોંચી શકે તેવું વાતાવરણ અને શિક્ષણ પ્રદાન કરવું જોઈએ તેમ રાજ્યપાલશ્રી ઓ.પી.કોહલીએ જણાવ્યુ હતુ. અમદાવાદ વેલ્ફર સોસાયટી દ્વારા તેજસ્વી વિદ્યાર્થીઓને સન્માનવા યોજાયેલા કાર્યક્રમમાં રાજ્યપાલશ્રી ઓ.પી.કોહલીએ કહ્યું હતું કે, મુસ્લિમ સમાજમાં શિક્ષણ ક્ષેત્રે જાગૃતિ ઓછી હતી પણ હવે તસવીર ધીરે ધીરે બદલાઈ રહી છે. મુસ્લિમ સમાજના વિદ્યાર્થીઓ પણ શિક્ષણના અનેકવિધ ક્ષેત્રમાં અભ્યાસ કરી રહ્યાં છે. વેલ્ફર સોસાયટી અમદાવાદ દ્વારા ધોરણ-૧૦-૧૨ અને ડેન્ટલ, એન્જિનિયરિંગ જેવી વિદ્યાશાખા અને રમતગમત ક્ષેત્રે ઉચ્ચસિદ્ધિ પ્રાપ્ત કરનારને પ્રોત્સાહિત કરવા શિલ્ડ અને ઈનામ એનાયત થવાના છે તે આવકારદાયક બાબત છે તેમ રાજ્યપાલશ્રીએ જણાવ્યું હતું. શિક્ષણક્ષેત્રે ખાનગીકરણનો વ્યાપ વધ્યો છે, પરંતુ સામાન્ય માનવી માટે ઊંચા ફીના ધોરણ હોય તેવું શિક્ષણ પ્રાપ્ત કરવું અઘરુ છે. સરકાર શિક્ષણ ક્ષેત્રે કામ કરતી સામાજિક સંસ્થાઓ અને સમાજ ભેગા થઈ શિક્ષણ આમ આદમીને પરવડે, મળતુ થાય તે દિશામાં ચિંતન અને મંથન કરી નિષ્કર્ષ પર પહોંચવું પડશે જેથી કોઈ પણ વિદ્યાર્થી શિક્ષણની નવી તરાહના, નવા વિચારો નવા આયામો સાથે પોતાની શૈક્ષણિક કારકિર્દી સુપેરે હાંસલ કરી શકે તેવી ખેવના રાજ્યપાલશ્રીએ વ્યક્ત કરી હતી.

 

કાળા નાણાં વિશે ભારતને G20નું સમર્થન

10384839.jpg - 55.23 Kb

આજે અહીં G20 શિખર સંમેલનમાં સામેલ થયેલા દેશોના નેતાઓએ સમર્થન આપ્યું છે અને એવું વચન પણ આપ્યું છે કે કરચોરી વિરોધી આંતરરાષ્ટ્રીય કાયદાઓને આધુનિક સ્વરૂપ આપવામાં આવશે અને સરહદ-પારની કરચોરી રોકવાની દિશામાં પગલાં લેશે. આજે અગાઉ, વડા પ્રધાન નરેન્દ્ર મોદીએ કાળા નાણાંના દૂષણે ઊભા કરેલા પડકારનો સાથે મળીને સામનો કરવાની જરૂરિયાત પર ભાર મૂકીને કાળું નાણું પરત મેળવવા માટે G20 શિખર સંમેલનમાં જોરદાર રજૂઆત કરી હતી. તેમણે કાળા નાણાંના દૂષણને ત્રાસવાદ જેવા સુરક્ષાને લગતા પ્રશ્નો સાથે સાંકળ્યા હતા અને કહ્યું હતું કે આ સમગ્ર દુનિયા સમક્ષ મોટી ચિંતાનો વિષય છે. શિખર પરિષદની પૂર્ણાહુતિએ બહાર પાડવામાં આવેલા એક સંયુક્ત સંદેશામાં G20 દેશોના નેતાઓએ કહ્યું છે કે, આપણે પરસ્પર આર્થિક સહકાર અને વિકાસની દિશામાં સધાયેલી પ્રગતિને આવકારીએ છીએ, આંતરરાષ્ટ્રીય કરવેરા નિયમોને આધુનિક સ્વરૂપ આપવા પગલાં યોજના ઘડીશું અને હાનિકારક કરચોરીની વૃત્તિઓને નિયંત્રણમાં લાવીશું. વડા પ્રધાને G20 સત્રમાં કરેલા સંબોધનમાં માહિતીના આપોઆપ વૈશ્વિક આદાન-પ્રદાન માટે ઘડવામાં આવેલા નવા નિયમો માટે ભારતનું સમર્થન વ્યક્ત કર્યું હતું અને કહ્યું હતું કે આનાથી વિદેશમાં જમા કરવામાં આવેલા બિનહિસાબી નાણાંની માહિતી હાંસલ કરવામાં તેમજ તે નાણાં દેશમાં પરત લાવવામાં ઘણા મદદરૂપ થશે.

 

ભારતે શ્રીલંકાને ૫-૦ વ્હાઇટવોશ કરી

prv_41e24_1415436779.jpg - 56.63 Kb

ભારતે કોચીમાં રમાયેલી પાંચમી અને છેલ્લી વન ડે મેચમાં શ્રીલંકાને 3 વિકેટ પરાજય આપ્યો હતો. આ જીત સાથે ભારતે શ્રીલંકાનો વ્હાટવોશ કરી પાંચ વન ડે મેચની સિરીઝ પોતાના નામે કરી હતી. બંનેએ ટીમને સ્થિરતા અપાવતા ત્રીજી વિકેટ માટે 136 રનની નોંધપાત્ર ભાગીદારી કરી ટીમનો સ્કોર 150 રન સુધી પહોંચાડયો હતો. આ સમયે 59 રને રમી રહેલો રાયડુ રન આઉટ થતા ટીમે ત્રીજી વિકેટ ગુમાવી હતી.ફોર્મમાં રમી રહેલા કોહલી સાથે ઉથપ્પા રમતમાં જોડાયો હતો. પણ તે લાબો સમય ટકી શકયો ન હતો અને 19 રન બનાવી મેન્ડિસની બોલિંગમાં મૈથ્યુઝના હાથે કેચ આઉટ થયો હતો. 180 રનમાં ટોચની ચાર વિકેટ ગુમાવ્યા બાદ સેટ થઇ ચૂકેલા કોહલીને સાથ આપવા માટે પ્રથમ વન ડે રમી રહેલો જાદવ મેદાન પર આવ્યો હતો. 24 બોલમાં 3 ચોગ્ગાની મદદથી 20 રન બનાવનાર જાદવ મેન્ડિસનો શિકાર બનતા ટીમે 215 રનમાં પાંચમી વિકેટ ગુમાવી હતી. સ્ટુઅર્ટ બિન્ની 12 રને અને અશ્વિન ખાતુ ખોલાવ્યા વગર મેન્ડિસની બોલિંગમાં આઉટ થતાં મેચ રોમાંચક બની હતી. સદી ફટકારનાર કોહલીએ એકલવીર યોદ્વાની જેમ સ્કોરબોર્ડ ફરકતુ રાખતા જીત માટે આશા જીવંત રાખી હતી. કોહલી અને અક્ષર પટેલે શ્રીલંકન બોલરોને મચક આપ્યા વગર રસાકસીભરી મેચમાં ટીમને વિજય ભણી ગયા હતા. ભારતે પાંચમી વન ડે ત્રણ વિકેટથી જીતી લઇ સિરીઝ પોતાના નામે કરી હતી. કોહલી 126 બોલમાં 12 ચોગ્ગા અન 3 છગ્ગા સાથે અણનમ 139 રન અને અક્ષર પટેલ 14 બોલમાં 2 ચોગ્ગા સાથે અણનમ 17 રન બનાવ્યા હતા.શ્રીલંકા તરફથી મેન્ડિસે ચાર અને કપ્તાન મૈથ્યુઝે બે વિકેટ લીધી હતી. ટોસ જીતીને શ્રીલંકાના કપ્તાને પ્રથમ દાવ લેવાનો નિર્ણય લીધો હતો. પ્રવાસી ટીમનો પ્રારંભ ખરાબ રહ્યો હતો. કેવળ 85 રનમાં ટોચની 4 વિકેટ ગુમાવતા ટીમે મુશ્કેલીમાં મૂકાઇ ગઇ હતી. ઓપનર નિરોશન ડિકવેલા 4 રને ધવનની બોલિંગમાં અને દિશાન 35 રન બનાવી સ્ટુઅર્ટ બિન્નીનો શિકાર બન્યા બાદ ચાંડિમલ પણ 5 રને અક્ષર પટેલની બોલિંગમાં તેમજ 32 રન બનાવી જયવર્ઘને અશ્વિનની બોલિંગમાં આઉટ થયા હતા.

 

ઓસ્ટ્રેલિયા ખાતે પ્રધાનમંત્રી નરેન્દ્ર મોદીનાં હસ્તે ગાંધી પ્રતિમાનું અનાવરણ કર્યું

284172-modi-brisbane.jpg - 86.71 Kb

ઓસ્ટ્રેલિયા પ્રવાસે ગયેલા નરેન્દ્ર મોદીએ બ્રિસ્બેન ખાતે ગાંધી પ્રતિમાનું અનાવરણ કર્યુ હતુ. આ સમયે મોદીને મળવા માટે ભારતીય મુળના લોકો મોટી સંખ્યામાં ઉમટી પડ્યા હતા.બ્રિસ્બેનના રોમા સ્ટ્રીટ ખાતે આવેલા પાર્કલેન્ડમાં ગાંધીજીના પ્રિય ભજન વૈષ્ણવજન સાથે..વડાપ્રધાન મોદીએ પોતાના 15 વર્ષ પૂર્વે જોયેલું સ્વપ્ન સાકાર કર્યુ છે.

તેઓ 15 વર્ષ અગાઉ જ્યારે ઓસ્ટ્રેલિયા ગયા હતા.તે સમયે તેમણે અનાયાસે જ ઓસ્ટ્રેલિયામાં ગાંધી પ્રતિમા સ્થપાય તેવી ઈચ્છા વ્યક્ત કરી હતી.જે આજે પૂર્ણ થઈ છે..આ પ્રસંગે તેમણે ગાંધીના અહિંસા,પ્રકૃતિ પ્રેમ અને ભાઈચારાના મુલ્યોને યાદ કર્યા હતા

જ્યારથી તેઓ વડાપ્રધાન બન્યા છે.ત્યારથી તેઓ ગાંધીને યાદ કરતા હોવાનો આરોપ લાગે છે..તેને તેમણે નકારી દીધો છે.તો વળી, ગાંધી આજે પણ પ્રાસંગિક હોવાનું તેમણે કહ્યુ હતુ.વધુમાં નરેન્દ્ર મોદી જણાવે છે કે આ ગાંધી પ્રત્યે મારું સર્મપણ છે. જયારે હું ગુજરાતનો મુખ્યમંત્રી પણ ન હતો. ત્યારે બ્રિસ્લેનનાં લોકો વચ્ચે ગાંધીની વાત કરી હતી. ગાંધીએ બતાવેલ માર્ગ પર આજે વિશ્વ ચાલે છે.

 

આઈપીએલ ફિક્સિંગ : ૧૮ નવેમ્બરે કાર્ય-સમિતિની ઇમરજન્સી મિટિંગ બોલાવી

bcci-fats.jpg - 29.61 Kb

બીસીસીઆઈની ઇમરજન્સી કમિટિની બેઠક ૧૮મી નવેમ્બરના દિવસે યોજાનાર છે જેમાં વાર્ષિક સામાન્ય બેઠકના મુદ્દા ઉપર ચર્ચા વિચારણા કરવામાં આવશે. ચાર સપ્તાહ સુધી આ મીટીંગને મોકૂફ રાખવાનો હાલમાં જ નિર્ણય લેવાયો હતો. કારણ કે, સુપ્રીમ કોર્ટ દ્વારા આઈપીએલ સ્પોટ ફિક્સિંગ કૌભાંડમાં એન શ્રીનિવાસનનું નામ જાહેર કર્યું હતું. આ બેઠક ચેન્નાઈમાં યોજાય તેવી શક્યતા છે. એજીએમને મોકૂફ રાખવા બીસીસીઆઈની હિલચાલ સંકેત આપે છે કે, બોર્ડ શ્રીનિવાસનને લઇને ખુબ જ સ્થિતિમાં છે.

બીસીસીઆઈના પૂર્વ પ્રમુખ શશાંક મનોહરે ધ્યાન દોર્યું હતું કે, બીજી વાર બેઠક મોકૂફ રાખવાની બાબત ગેરબંધારણીય છે. મનોહરે કહ્યું હતું કે, એજીએમની બેઠકને મોકૂફ રાખવા બોર્ડને કોઇ સત્તા નથી. કારણ કે, કારોબારી સમિતિ દ્વારા નિર્ણય લેવામાં આવી ચુક્યો છે. એજીએમની તારીખ એક વખતે કારોબારી કમિટિ દ્વારા નક્કી કરી લેવામાં આવ્યા બાદ આ બેઠકને મોકૂફ કરી શકાય નહીં અને તેમાં બોર્ડના હોદેદારો સુધારા પણ કરી શકે તેમ નથી. બોર્ડને સત્તા નથી.

આઈપીએલ સ્પોટ ફિક્સિંગ કેસમાં સુનાવણી પુન: શરૂ કરતા સુપ્રીમ કોર્ટે ગઇકાલે ચાર નામ જાહેર કર્યા હતા જેમાં જસ્ટિસ મુદગલ કમિટિ દ્વારા તપાસ કરવામાં આવી ચુકી છે. મોટા નામના આઈસીસીના વડા એન શ્રીનિવાસન, તેમના જમાઈ ગુરુનાથ મયપ્પન, રાજસ્થાન રોયલ્સના સહમાલિક રાજ કુન્દ્રા, પૂર્વ આઈપીએલ સીઈઓ સુંદર રામનનો સમાવેશ થાય છે. ત્રણ સક્રિય ખેલાડીઓના નામનો પણ ઉલ્લેખ છે પરંતુ તેમના નામ જાહેર કરાયા નથી. ૨૪મી નવેમ્બરના દિવસે મામલામાં વધુ સુનાવણી હાથ ધરાશે.

 

ચૂંટણીના મેદાનમાં કેજરીવાલને ધામધુમથી ઉતારવાની જાહેરાત

arvind-kejriwal.jpg - 44.47 Kb

આમ આદમી પાર્ટી પણ લોકસભાની ચૂંટણીમાં સંપૂર્ણ સફાયો થયા બાદ તેની દિલ્હીમાં નવી વ્યુહરચના પર ચર્ચામાં વ્યસ્ત છે. પાર્ટી દ્વારા ઉમેદવારોની પ્રથમ યાદી જાહેર કરી દેવામાં આવી છે. પરંતુ આ યાદીમાં પક્ષના વરિષ્ઠ નેતા અરવિંદ કેજરીવાલ અને મનીશ સિસોદિયાના નામ આવ્યા નથી. આની પાછળ કોઇ વિવાદ નથી બલ્કે નવી યોજના છે.

એએપી દ્વારા ઉમેદવારોની પસંદગી કરવાની નિતીમાં કેટલાક ફેંરફાર કર્યા છે.
પાર્ટી ધુમધામ સાથે નવી દિલ્હીની બેઠક પરથી કેજરીવાલની ઉમેદવારી જાહેર કરવા માંગે છે. મુખ્યપ્રધાન તરીકે કેજરીવાલના નામની જાહેરાત શાનદારરીતે કરવાની યોજના છે. આ જ કારણસર તેમના નામની જાહેરાત હજુ સુધી કરવામાં આવી નથી. લોકસભાની ચૂંટણી દરમિયાન પોતાના કાર્યકરોની અવગણના કરવાના આરોપ અને કેટલીક જગ્યાએ કાર્યકરો દ્વારા ખુલ્લા રીતે બળવાના કારણે એએપીનો સંપૂર્ણ સફાયો થયો હતો. પરંતુ હવે દિલ્હી વિધાનસભાની ચૂંટણીમાં તે સાવધાનીપૂર્વક આગળ વધવા માંગે છે. આ વખતે એએપી દ્વારા ઉમેદવારોની પસંદગી કરવાની નિતીમાં કેટલાક ફેંરફાર કર્યા છે.

મુખ્યપ્રધાનપદના ઉમેદવાર જાહેર નહી કરીને મેદાનમાં ઉતરનાર છે
પાર્ટી આશરે ૫૦ ટકા સીટ પર આ વખતે નવા ઉમેદવારોને મેદાનમા ઉતારવા માટેની યોજના ધરાવે છે. એએપી દ્વારા હાલમાં જ ઉમેદવારોની પ્રથમ યાદૃી જાહેર કરવામાં આવી હતી. આ વખતે ભાજપ અને કોંગ્રેસ બન્ને તેમના મુખ્યપ્રધાનપદના ઉમેદવાર જાહેર નહી કરીને મેદાનમાં ઉતરનાર છે. જેથી એએપી તેનો સંપૂર્ણ લાભ લેવા માંગે છે.

કાર્યક્રમ ક્યારે યોજાશે તેની જાહેરાત ટુંક સમયમાં કરાશે.
કેજરીવાલને પ્રજા વચ્ચે પાર્ટીના ચહેરા તરીકે રજૂ કરવાની તૈયારી હાથ ધરવામાં આવી છે જેના લીધે એક અલગ કાર્યક્રમમાં કેજરીવાલના મુખ્યપ્રધાનપદના ઉમેદવાર તરીકે જાહેરાત કરવામાં આવનાર છે. કાર્યક્રમ ક્યારે યોજાશે તેની જાહેરાત ટુંક સમયમાં કરાશે.

 

સચીને આંધ્ર પ્રદેશનું ગામ દત્તક લીધું; શાળા, હોસ્પિટલ બંધાવશે

sachin_tendulkar_children_day_pti_240x180.jpg - 13.45 Kb

રાજ્ય સભાના સદસ્ય સચીન તેંડુલકરે વડા પ્રધાન નરેન્દ્ર મોદીએ શરૂ કરાવેલી ‘સાંસદ આદર્શ ગ્રામ યોજના’ અંતર્ગત આંધ્ર પ્રદેશના નેલ્લોર જિલ્લાના પુટ્ટમરાજુ કન્ડ્રિકા ગામને દત્તક લીધું છે.

સચીન આજે સવારે આ ગામ ખાતે આવી પહોંચ્યો હતો. તેણે કહ્યું છે કે પોતે સાંસદ તરીકે એને મળતા વિકાસલક્ષી કાર્યો માટેના ભંડોળનો ઉપયોગ આ ગામમાં શાળા, હોસ્પિટલ અને મહિલાઓ માટે તાલીમ કેન્દ્ર સ્થાપવા માટે કરશે.

સચીને એમ પણ કહ્યું છે કે આ ગામમાં વાઈ-ફાઈ સુવિધા, પીવાનું પાણી, અવિરત વીજળી પુરવઠો પણ પ્રાપ્ત થાય એ માટે પોતે પ્રયાસો કરશે.સચીને પોતાના ‘એમપી લોકલ એરિયા ડેવેલપમેન્ટ સ્કીમ’ ફન્ડમાંથી રૂ. ૨.૭૯ કરોડના ખર્ચે આ ગામમાં અનેક વિકાસકાર્યો હાથ ધરવાનો નિર્ણય લીધો છે.સચીન શનિવારે સાંજે નેલ્લોર નજીકના ક્રિષ્નાપટનમ પંદર ખાતે આવી પહોંચ્યો હતો.

પુટ્ટમરાજુ કન્ડ્રિકા ગામમાં માત્ર એક જ શાળા છે જ્યાં માત્ર પાંચ ધોરણ સુધી જ શિક્ષણ આપવામાં આવે છે.ક્રિષ્નાપટનમ પોર્ટ ખાતે સચીનનું બંદરગાહના અધિકારીઓએ સ્વાગત કર્યું હતું. પોર્ટ સિક્યૂરિટી એકેડેમીના તાલીમાર્થીઓએ સચીનને ગાર્ડ ઓફ ઓનર સમ્માન પણ આપ્યું હતું.સચીને રાતવાસો પોર્ટ ખાતે જ કર્યો હતો અને ત્યાંથી આજે સવારે પુટ્ટમરાજુ ગામ ભણી પ્રયાણ કર્યું હતું.

 

મોદી મારી આ શરત માને તો હું તેમનો સમર્થક બનવા તૈયાર : માંઝી

jitan-ram-manjhi.jpg - 35.54 Kb

બિહારના મુખ્યમંત્રી માંઝીએ કહ્યુ કે, જો મોદી બિહારને વિશેષ રાજ્યનો દરજ્જો આપવાની સાથે પ્રદેશ સરકાર દ્વારા પૂર્વમાં રાષ્ટ્રીય રાજમાર્ગના નિર્માણ પર કરાયેલા એક કરોડ રૂપિયાના ખર્ચની ભરપાઇ સહિત અન્ય લાંબા સમયની માંગને પૂરી કરે તો તેઓ મોદીના સમર્થક બની જવા તૈયાર છે. બિહારના બાઢ જિલ્લામાં એનટીપીસીના ચોથા યુનિટના સમારોહમાં આ વાત કરતા તેમણે એમ પણ કહ્યુ કે, અમે કેન્દ્રની મદદથી બિહારની કેટલીય સમસ્યાઓનું હલ કરી શકીએ છીએ. તેમણે વધુમાં કહ્યુ કે, કેન્દ્રિય મંત્રીમંડળમાં બિહારના સાત ભૈયાઓ છે. તેમણે બિહારની સમસ્યા યુદ્વના ધોરણે ઉકેલવી જોઇએ.
ભાજપ બીજાએ કરેલા કામોનો શ્રેય લેવામાં લાગી છે.
બિહારના પૂર્વ મુખ્યમંત્રી નીતીશ કુમારે પણ બાઢ જિલ્લામાં એનટીપીસી યુનિકના એક કાર્યક્રમમાં મોદી પર નિશાન તાકયુ હતુ. તેમણે કહ્યુ કે, જેમણે આ પ્રોજેકટ માટે દર્દ સહન કર્યું તેમનુ નામ સુધી લેવામાં આવતું નથી. અમે તો કામ કરીએ છીએ. નામનો લોભ નથી કરતા. આ યુનિટનું શિલાન્યાસ પૂર્વ વડાપ્રધાન અટલ બિહારી વાજપેયીએ કર્યુ હતુ. ભાજપ પર આરોપ મૂકતા તેમણે એમ પણ કહ્યુ કે, ભાજપ બીજાએ કરેલા કામોનો શ્રેય લેવામાં લાગી છે.

 

દુનિયાના અર્થતંત્રનો બોજ ઉપાડી ન શકે : ઓબામા

obama-ap photo_8.jpg - 28.05 Kb
અમેરિકન પ્રમુખ બરાક ઓબામાએ જણાવ્યું હતું કે, અમેરિકા હવે પોતાની પીઠ પર દુનિયાના અર્થતંત્રનો બોજ ઉઠાવી શકે તેમ નથી.  સાંસ્કૃતિક કાર્યક્રમો સાથે વાજતે ગાજતે સમિટનું ઉદ્દઘાટન થયું. આ પ્રસંગે ઓસ્ટ્રેલિયાના વડ઼ા પ્રધાન ટોની અબોટે જી-૨૦  દેશોના વડાઓનું સ્વાગત કર્યું. વડા પ્રધાન મોદીએ પ્રથમ ઔપચારિક સત્રમાં ભાગ લેતા પૂર્વે વિવિધ દેશના વડાઓ સાથે મુલાકાત કરી હતી.

બ્રિસબેનમાં G20 દેશોની જવાબદારી છે કે તેઓ વિશ્વ અર્થતંત્રને પાટે ચઢાવવા પ્રયાસ કરે.

બ્રિસબેનમાં G20 સમ્મેલનમાં ઈત્તર ભાષણ આપતા તેમણે કહ્યું હતું કે, અમેરિકાનું અર્થતંત્ર પાટે ચઢી રહ્યું છે, જોકે વૈશ્વિક વૃદ્ધિ દરમાં મુખ્યરૂપે યુરોપ, ચીન અને જાપાનમાં હજુય કેટલાક પડકારો છે.ઓબામાએ કહ્યું હતું કે, પાછલા કેટલાક વર્ષોમાં અન્ય વિકસિત અર્થતંત્ર ધરાવતા દેશોની તુલનામાં અમેરિકાએ ઘણી વધુ રોજગારી ઉભી કરી છે. અમેરિકામાં બેકારીનો દર ઓક્ટોબરમાં ઘટીને 5.8 ટકા થઈ ગયો છે, જે જુલાઈ 2008થી સૌથી નીચલા સ્તર પર છે. આ પરિસ્થિતિમાં માત્ર અમેરિકા પાસેથી જ વિશ્વના અર્થતંત્રનું પોતાની પીઠ પર વહન કરી શકવાની આશા ન રાખી શકાય. માટે બ્રિસબેનમાં G20 દેશોની જવાબદારી છે કે તેઓ વિશ્વ અર્થતંત્રને પાટે ચઢાવવા પ્રયાસ કરે.

દેશમાં વિકાસ દર વધારવા અને લાખો નોકરીઓ ઉભી કરવાનો સંકલ્પ લેશે.

ઓબામાએ કહ્યું હતું કે, G20 દેશોને માંગ વધારવા, ઈન્ફ્રાસ્ટ્રક્ચરમાં રોકાણ કરવા અને વધુમાં વધુ નોકરીઓ પેદા કરવા માટે આકરી મહેનત કરવાની જરૂર છે. ઉલ્લેખનીય છે કે, બ્રિસબેનમાં G20 સમ્મેલનમાં દુનિયાના ટોચના ઔદ્યોગિક અર્થતંત્રોના પ્રમુખ ભાગ લઈ રહ્યા છે. અહીં તેઓ પોતાના દેશમાં વિકાસ દર વધારવા અને લાખો નોકરીઓ ઉભી કરવાનો સંકલ્પ લેશે.

 

મોસમમાં અચાનક જ પલટો..ગુજરાતમાં ધોધમાર વરસાદ

gujarat varsad rainઅમદાવાદમાં મોસમમાં અચાનક જ પલટો આવી ગયો છે. છેલ્લા બે-ત્રણ દિવસથી ગુજરાતમાં છૂટોછવાયો વરસાદ જોવા મળી રહ્યો છે. અમદાવાદના અનેક વિસ્તારોમાં હળવાથી ભારે વરસાદ પડી રહ્યો હોવાની ખબર પડી છે. ઉલ્લેખનીય છે કે, દક્ષિણ ભારતમાં મનારની ખાડીથી દક્ષિણ તામીલનાડુ, શ્રીલંકાના ભાગમાં સર્જાયેલા લો પ્રેશરને પગલે ગુજરાતના કેટલાક ભાગોમાં વાતાવરણમાં ઓચિંતો પલટો આવ્યો છે. જો કે આ વરસાદની સાથે સમગ્ર ગુજરાતમાં વાદળછાયું વાતાવરણ થઇ ગયું છે. જો કે આ કમોસમી વરસાદમાં ક્યાંક બાળકો ન્હાવાની મજા લઇ રહ્યા છે તો ક્યાંક ટ્રાફિક જામના દ્રશ્યો જોવા મળી રહ્યા છે. હવામાન ખાતાની આગાહી અનુસાર, આગામી 48 કલાકમાં અમદાવાદ સહિત દક્ષિણ ગુજરાત, સૌરાષ્ટ્ર, દીવ, દમણ-દાદરાનગર હવેલીમાં છૂટાછવાયા ઝાપટાં પડી શકે છે.

 

ટ્રાફિક નિયમોનું પાલન કરનારને પોલીસ તરફથી પેટ્રોલ મફતમાં!

 

gujarat traffic police

અમદાવાદના પૂર્વ વિસ્તાર રામોલમાં ટ્રાફિક પોલીસ વિભાગે નવતર પ્રયોગ હાથ ધર્યો હતો. જેમાં ટ્રાફિનના નિયમોનું યોગ્ય રીતે પાલન કરનાર વાહન ચાલકને એક લિટર પેટ્રોલ મફતમાં આપી લોકજાગૃતિનો સંદેશ પાઠવવાનો પ્રયત્ન કરાયો હતો. પોલીસનો આ પ્રયોગ ઘણો પ્રસંશનીય રહ્યો હતો અને શહેરભરમાં ચર્ચાનું કારણ બન્યો હતો. આ બાબતે પોલીસ નિરીક્ષક પી આઈ સોલંકીએ જણાવ્યું હતું કે શહેરના રામોલ વિસ્તારમાં 58 લોકો ટ્રાફિકના નિયમોનું પાલન કરતા મળી આવ્યા હતાં. જેમને પ્રોત્સાહન રૂપે પોલીસ તરફથી 1 લીટર પેટ્રોલ મફતમાં આપવામાં આવ્યું હતું. અભિયાનમાં કયા કયા પાસાને ધ્યાનમાં લેવામાં આવ્યા હતાં તે બાબતેની જાણકારી આપતા સોલંકીએ જણાવ્યું હતું કે પોલીસે વાહનો અને વાહન ચાલકો સાથેના સંબંધીત દસ્તાવેજોની ચકાસણી કરી હતી. જેમાં ડ્રાઈવિંગ લાઈસેન્સ, વાહનની આરસી બૂક, હેલ્મેટ પહેરવું અને સીટ બેલ્ટ બાંધવા સહિતનો સમાવેશ થતો હતો. જે વાહન ચાલકોએ આ નિયમોનું પાલન કર્યું હતું તેમને પોલીસ તરફથી પેટ્રોલ મફતમાં.

 

બેંગ્લૂરૂની સેન્ટ્રલ જેલમાં સેક્સ રેકેટનો થયો પર્દાફાશ

jail.jpg - 72.09 Kb

બેંગ્લૂરૂ જેલની મહિલા કેદીઓએ જેલની વોર્ડન પર ગંભીર આરોપો લગાવતાં કહ્યું છે કે તેમને પુરુષ કેદીઓ પાસે સંભોગ માટે મોકલવામાં આવે છે.

બેંગ્લૂરૂની સેન્ટ્રલ જેલમાં કેદ મહિલા કેદીઓએ મોટો ખુલાસો કરતાં આ હકીકત જણાવી હતી. કર્ણાટક હાઈકોર્ટના ચીફ જસ્ટિસને મોકલવામાં આવેલી એક ચિઠ્ઠીમાં મહિલા કેદીઓએ દાવો કરતાં કહ્યું હતું કે, જેલમાં દેહવ્યાપારનો ધંધો ચાલી રહ્યો છે. મહિલા કેદીઓએ વોર્ડન પર સીધો આરોપ મૂકતાં આ હકીકત લખી હતી.

ચિઠ્ઠીમાં લખાયેલી હકીકત પ્રમાણે મહિલા કેદીઓને પુરુષ કેદીઓ પાસે બળજબરીપૂર્વક મોકલવામાં આવે છે અને આ માટે પુરુષો પાસેથી ૩૦૦થી ૫૦૦ રૂપિયા પણ લેવામાં આવે છે.હાલ આ ચિઠ્ઠી કર્ણાટક હાઈકોર્ટના ચીફ જસ્ટિસ પાસે છે.

ચિઠ્ઠીમાં એક મહિલા કેદીનો પણ ઉલ્લેખ કરવામાં આવ્યો છે, જેના અંગે પીડીત મહિલાએ લખ્યું છે કે તે જેલની અંદર આતંક ફેલાવે છે. ચિઠ્ઠીના અનુસાર કેદી નંબર 144 પદ્માવતી કેદીઓના પરિવારજનો પાસેથી મળેલા ખાવાના સામાનને છીનવી લે છે. જો કે સામાન આપવાની મનાઇ કરે તો તે તેને ખરાબ રીતે મારે છે.

 

સરકારે મરાઠા અને મુસ્લિમ આરક્ષણ અંગે પોતાનો અભિગમ સ્પષ્ટ કરવો જોઈએ : પૃથ્વીરાજ

prithvi.jpg - 11.27 Kb

કૉંગ્રેસના નેતાઓએ દોષનો ટોપલો નવી સરકાર પર ઢોળ્યો છે. નવી સરકારે મરાઠા આરક્ષણ અને મુસ્લિમ આરક્ષણ અંગે પોતાનો અભિગમ સ્પષ્ટ કરવો જોઈએ, એવી માગણી ભૂતપૂર્વ મુખ્ય પ્રધાન અને કૉંગ્રેસના વિધાનસભ્ય પૃથ્વીરાજ ચવ્હાણે કરી હતી. તેમણે સલાહ આપી હતી કે અંતિમ ચુકાદા સમયે કોર્ટમાં પૂરી તાકાતથી બાજુ રજૂ કરવી જોઈએ.

પૃથ્વીરાજ ચવ્હાણે વધુમાં જણાવ્યું હતું કે આરક્ષણને સ્ટે મળ્યો તે આંચકાજનક છે. અમે પૂરો વિચાર કરીને આરક્ષણને મંજૂરી આપી હતી, પરંતુ નવી સરકાર ક્યાંક તો ઢીલી પડી છે. આરક્ષણ નિયમ ચાલુ રહે તે માટે સરકારે પ્રયાસ કરવા જોઈએ. જો નવી સરકાર કોર્ટમાં નહીં જાય તો અમે જ સુપ્રીમ કોર્ટમાં જઈશું, એવી ચીમકી વિધાનસભામાંના કૉંગ્રેસના જૂથનેતા રાધાકૃષ્ણ વિખે-પાટીલે આપી હતી.બીજી બાજુ, શિવસંગ્રામ સંઘટનાના નેતા વિનાયક મેટેનું કહેવું છે કે મુંબઈ હાઈ કોર્ટનો સ્ટે આપવાનો નિર્ણય કમનસીબ ઘટના છે. રાણે સમિતિની બધી ભલામણો રદ કરી હાઈ કોર્ટે મરાઠા આરક્ષણને સ્ટે આપ્યો છે તો મુસ્લિમોની બાબતમાં શિક્ષણ અને નોકરી અંગે ફરી એક વાર સરકારે વિચાર કરવો જોઈએ, એવી સલાહ તેમણે આપી હતી.

 

કાળુનાણું ભારતમાં પાછું લાવવું ભારત સરકારની પ્રાથમિકતા : નરેન્દ્ર મોદી

modi--621x414.jpg - 31.48 Kb

ઓસ્ટ્રેલિયામાં જી-20 શિખર સંમેલનમાં ભાગ લેવા ગયેલા વડાપ્રધાન નરેન્દ્ર મોદીએ બ્રિકસ દેશોના વડાઓ સમક્ષ કાળાનાણાનો મુદ્દો ઉઠાવ્યો હતો અને આ મામલે તમામ દેશોનો સહયોગ માગ્યો હતો. નરેન્દ્ર મોદીએ કહ્યું હતું કે, વિદેશની બેંકોમાં જમા નાળુનાણું પાછું લાવવું ભારત સરકારની પ્રાથમિકતા છે. વિદેશની બેંકોમાં જમા આ કાળુનાણું સુરક્ષા સામે પણ ઘણું જોખમ ઉભું કરે છે.

રાષ્ટ્રોની એક અનૌપચારિક બેઠકમાં મોદીએ કાળા નાણાનો મુદ્દો ઉઠાવ્યો હતો. તેમણે એવા અણસાર આપ્યો હતો કે પોતે આપેલા વચન મુજબ 20 સમિટમાં કાળા નાણાના મુદ્દાને પ્રાથમિક્તા આપી રજૂઆત કરશે જેથી વિદેશમાં રહેલું કાળુ નાણું દેશમાં પાછુ લાવી શકાય. મોદીએ ના લિડર્સને ઉદ્દેશીને કહ્યું હતું કે, વિદેશમાં રહેલા કાળા નાણાને સ્વદેશ પાછા લાવવું એ અમારા દેશની પ્રાથમિક્તા છે.

બ્રિકસ દેશના નેતાઓ સાથેની આ બેઠકમાં કેન્દ્રીય મંત્રી સુરેશ પ્રભુ પણ નરેન્દ્ર મોદી સાથે જોડાયા હતા. આ બેઠકમાં બ્રાઝિલ, રશિયા, ચીન અને દક્ષિણ આફ્રિકાના વડાઓ પણ સામેલ થયા હતા. બ્રિકસ દેશોના વડાઓની બેઠક બાદ બ્રિસબેનમાં જી-20ના સભ્યદેશોની શીખર પરિષદનો પ્રારંભ થયો હતો. આ બેઠકમાં વડાપ્રધાન નરેન્દ્ર મોદી ઉપરાંત જર્મનીના ચાન્સેલર, એન્જલા મર્કેન, ફ્રાન્સના રાષ્ટ્રપતિ પ્રાન્સવા ઓલા, અમેરિકાના રાષ્ટ્રપતિ બરાક ઓબામા સહિતના નેતાઓ ઉપસ્થિત છે. આ બેઠકની અધ્યક્ષતા ઓસ્ટ્રેલિયાના વડા પ્રધાન ટોની એબોક કરી રહ્યા છે. આ શીખર સંમેલન આજે અને આવતીકાલે એમ બે દિવસ માટે ચાલનારું છે.

દેશો વચ્ચે ગાઢ સંકલન વિશે બોલતા મોદીએ કહ્યું હતું કે, બિનહિસાબી કાળા નાણાનો સંબંધ સુરક્ષા પડકારો સાથે સંકળાયેલો છે. ભારત જ્યારે કાળા નાણાને દેશમાં પાછું લાવવા પ્રયત્નશીલ છે તે સમયે પ્રધાનમંત્રીએ સ્પષ્ટ કરી દીધું હતું કે કાળા નાણાને પરત લાવવા દેશો વચ્ચે ગાઢ સંકલન એ તેમના માટે મુખ્ય મુદ્દો છે.પ્રધાનમંત્રી મોદીએ આ બેઠકમાં કહ્યું હતું કે તેમની સરકારની પ્રાથમિક્તા એ રહેશે કે વિદેશમાં જે દેશનું કાળુ ધન છે તેને પાછું લાવવું. મોદીએ આ કાર્યને પાર પાડવા માટે વિશ્વસ્તરીય ગાઢ સંકલનની જરૂરિયાત પર ભાર મૂક્યો હતો.

મોદીએ જણાવ્યું હતું કે, 20 સમિટમાં મારા માટે મુખ્ય મુદ્દો કાળા નાણું પરત લાવવાને લઈને આંતરાષ્ટ્રીય સંકલન પર ભાર મૂકવાનો છે. આ ઉપરાંત ક્રોસ બોર્ડર કરચોરી અને કર રાહત બાબતે પણ હું મારો મુદ્દો રજૂ કરવાનો છું.

 

Read News Paper

Video News Site

Polls

જમ્મુ-કાશ્મીરમાં ભાજપને બહુમતી મળશે.
 

Who's Online

We have 11 guests online